Novas

A ALCALDESA E O CONCELLEIRO DE CULTURA ENTREGARON OS PREMIOS DO CONCURSO DE POESÍA E NARRACIÓN DAS LETRAS GALEGAS CONVOCADO POLA BIBLIOTECA PÚBLICA MUNICIPAL

A alcaldesa, Rocío López, e o concelleiro de Cultura, Manuel Arango, entregaron os premios do concurso de poesía e narración das Letras Galegas convocado pola biblioteca pública municipal.

No apartado de narración os premiados son: Lidia Díaz Ventoso, Daniela Yáñez Lorenzo, Henar Méndez Piñeiro, Claudia Carril Cabaleiro, Adriana Polo González, Chayma Amernis Talhimt, Mario Moirón Martínez, Adriana González de la Barrera e Nerea Álvarez Valea.

O MERCADO COMARCAL GANDEIRO ACOLLERÁ UN CIRCUÍTO DE EDUCACIÓN VIARIA ESTE VENRES, DÍA 9. ESTÁ ACTIVIDADE GRATUÍTA ORGANIZADA POLO CONCELLO ESTÁ DIRIXIDA A NEN@S E RAPACES DE 3 A 16 ANOS

O mercado comarcal gandeiro de Lourenzá acollerá un circuíto de educación viaria este venres, día 9, de seis a oito da tarde. Esta actividade gratuíta organizada polo Concello está dirixida a nenos, nenas, rapaces e rapazas de 3 a 16 anos de idade.

Os interesados en participar deben apuntarse na biblioteca municipal e o prazo remata mañá, xoves, día 8.

LOURENZÁ E RIBADEO SERÁN ESCENARIO ESTE VENRES E ESTE SÁBADO, RESPECTIVAMENTE, DA PREESTREA E DA ESTREA DE JUANA, UNHA PERFORMANCE MULTIDISCIPLINAR EN HOMENAXE A JUANA DE IBARBOUROU

O Concello ribadense acolleu este mediodía a presentación da preestrea e estrea de Juana, unha perfomance multidisciplinar en homenaxe a Juana de Ibarbourou na que a poesía, a música e a danza serán as protagonistas. A preestrea desta creación será o venres, día 9, en Lourenzá, no salón de actos do Concello ás 20:00 horas, e a estrea o sábado, día 10, en Ribadeo, no Cine Teatro ás 21:00 horas. Os Concellos de Ribadeo e Lourenzá apostaron desde o primeiro momento por esta creación, algo que lles agradeceu a súa autora e directora, a laurentina Marina Oural.