Novas

O TÉCNICO MUNICIPAL DE DEPORTES, RUBÉN GARCÍA PIÑEIROA, QUEDOU SUBCAMPIÓN NA CATEGORÍA DE VETERANOS DA XI CARREIRA POPULAR DE MEDAL, NO MUNICIPIO ASTURIANO DE COAÑA

Lourenzá, 1 de xullo de 2013. O técnico de Deportes do Concello de Lourenzá quedou subcampión na categoría de veteranos da décimo primeira edición da carreira popular de Medal, no municipio asturiano de Coaña.

Nesta proba a sección de atletismo das Escolas Deportivas de Lourenzá e Mondoñedo conseguiu grandes resultados, xa que os seus representantes lograron unha decena de medallas

A carreira, organizada pola Sociedad Deportiva Medal, celebrouse o pasado sábado, 29 de xuño.

A CORPORACIÓN LOCAL RECIBIRÁ MAÑÁ A REPRESENTANTES DA ASOCIACIÓN HIJOS DE LORENZANA EN LA HABANA. NO MESMO ACTO SERÁN COLGADOS NO SALÓN DE SESIÓNS MUNICIPAL UN CADRO DEDICADO A ESE COLECTIVO E OUTRO DE ÁNGEL HERMIDA

Lourenzá, 1 de xullo de 2013. A corporación local de Lourenzá ofrecerá mañá, martes, ás doce do mediodía unha recepción a representantes da asociación Hijos de Lorenzana en La Habana que están estes días visitando A Mariña. No mesmo acto colgaranse no salón de sesións municipal un cadro dedicado a ese colectivo e outro de Ángel Hermida, por ser fillos predilectos do concello.

A ALCALDESA DESTACA QUE O PREMIO AO PROXECTO DO TÉCNICO MUNICIPAL DE EMPREGO PARA A CREACIÓN DUNHA COOPERATIVA COMERCIALIZADORA DA FABA DE LOURENZÁ DEMOSTRA O INTERESE DA XUNTA POR ESTA INICIATIVA

Lourenzá, 1 de xullo de 2013. A alcaldesa de Lourenzá, Emma Álvarez Chao, destacou hoxe que o premio concedido ao proxecto elaborado polo técnico de emprego do Concello, José Cuadrado Oural, para a creación dunha cooperativa dedicada á comercialización da faba de Lourenzá demostra o interese da Xunta por esta iniciativa.