Noticias

Noticias del Ayuntamiento

3 TRIUNFOS E 7 PODIUMS DESFIANDO A AUGA NA POPULAR DE VIVEIRO!!

No día de onte os intrépidos atletas das E.D. Lourenzá Mondoñedo desafiaron a auga participando na Carreira Popular de Viveiro. En total preto de 200 participantes na proba. Noraboa a todos polo esforzo realizado, e desexar unha rápida recuperación a Claudia Graña que no día de onte volvía para a casa lesionada.

Resultados de pódiums:

PITUFOS FEMININO: 1ª – Diana Lastra. 2ª - Carmen García.

BX. FEMININO: 1º- Ana Vallinez.2ª- Ainara Rguez.

AV. FEMININO: 1ª – Claudia Graña.

A 23ª FESTA DA FABA INCLUIRÁ TRES DEGUSTACIÓNS DE PRATOS, MERCADOS E ACTIVIDADES CULTURAIS, FESTIVAS E DEPORTIVAS. HOXE PRESENTOUSE O CARTEL E O PROGRAMA DO FESTEXO, QUE SERÁ PREGOADO POR IAGO CASTRILLÓN E INAUGURADO POLA CONSELLEIRA DE TRABALLO

Lourenzá, 27 de setembro de 2013. A 23ª edición da Festa da Faba, que se celebrará do 4 ao 6 de outubro, incluirá degustacións de tres pratos diferentes, un deles novo neste festexo pero que era moi típico na zona hai anos: potaxe de fabas á antiga usanza. Tamén haberá mercados e numerosas actividades culturais, festivas e deportivas, que figuran no programa presentado hoxe xunto co cartel elaborado pola nena Antía Lillo Irimia. O evento será pregoado polo premiado cociñeiro laurentino Iago Castrillón e inaugurado pola Conselleira de Traballo, Beatriz Mato, o sábado 5.

PRESENTACIÓN DA IV CARREIRA POPULAR VAL DAS FABAS 2013

    Hoxe xoves día 26 DE SETEMBRO, ás 18:00 horas e no salón de Actos do Concello deLourenzá presentouse en roda de prensa a IV EDICIÓN DA CARREIRA POPULAR VAL DAS FABAS.
    A carreira será o vindeiro 5 de outubro enmarcada dentro da programación festiva da Festa da Faba de Lourenzá ás 16:30 horas para categorías menores e ás 17:30 horas para cadetes, juniors e séniors(percorrido de 6,330)

    Estiveron presentes,

O CAMPO DE ADESTRAMENTO DE SANTA CRUZ SERÁ ACONDICIONADO POLO CONCELLO COA AXUDA DA XUNTA A TRAVÉS DUN CONVENIO QUE FOI APROBADO HOXE POLA COMISIÓN DE GOBERNO MUNICIPAL. A ALCALDESA LAMENTA A FALTA DE APOIO DA DEPUTACIÓN DE LUGO PARA ESTA OBRA

Lourenzá, 26 de setembro de 2013. O campo de adestramento de Santa Cruz será acondicionado polo Concello de Lourenzá coa axuda da Xunta de Galicia a través dun convenio que foi aprobado hoxe pola comisión de goberno municipal. A alcaldesa, Emma Álvarez Chao, lamenta a falta de apoio da Deputación de Lugo para esta obra.

A SALA MULTIUSOS DO TORREÓN DOS FRADES ACOLLERÁ UN CURSO DE BAILE DE SALÓN PARA NENOS E ADULTOS A PARTIR DO 2 DE OUTUBRO

Lourenzá, 26 de setembro de 2013. O vindeiro mércores, día 2 de outubro, ás 22:15 horas empezará en Lourenzá un curso de baile de salón para nenos e adultos, que se desenvolverá na sala multiusos do Torreón dos Frades.

Será impartido pola escola de baile Goldance, constará de dez clases e os teléfonos de contacto para os interesados son 620.770.388 e 680.725.978.

OITO ESTABLECEMENTOS DE VILANOVA OFRECERÁN 20 TAPAS DE BALDE NA SEXTA RUTA DA FESTA DA FABA DE LOURENZÁ, DO 4 AO 6 DE OUTUBRO. O PRIMEIRO DÍA HABERÁ CANTOS DE TABERNA NAS RÚAS E NOS LOCAIS PARTICIPANTES

Lourenzá, 25 de setembro de 2013. A sexta edición da ruta de tapas con fabas de Lourenzá, que organiza o Concello, conta coa participación de oito establecementos hostaleiros de Vilanova, que ofrecerán 20 tapas de balde do 4 ao 6 de outubro. Na tarde noite do primeiro día haberá cantos de taberna nas rúas e nos locais participantes.

O CONCELLO ORGANIZA UNHA NOVA EDICIÓN DO TALLER DE MEMORIA. OS/AS INTERESADOS/AS EN PARTICIPAR PODEN INSCRIBIRSE ATA O VINDEIRO 11 DE OUTUBRO NO CENTRO SOCIAL TORREÓN DOS FRADES

Lourenzá, 24 de setembro de 2013. O Concello organiza unha nova edición do taller de memoria. A inscrición está aberta e rematará o 11 de outubro, tal e como informa a alcaldesa, Emma Álvarez, a través dun bando.

O taller será impartido polo departamento de Servizos Sociais do Concello. No bando sinálase que “para realizar a inscrición hai que achegarse ata o centro social Torreón dos Frades de 10 a 13 horas ou poñerse en contacto con Dolores Villasuso, a educadora familiar, chamando ao seguinte teléfono: 982 12 10 36”.

O PASADO SÁBADO O 21 DE SETEMBRO DE 2013 A ASOCIACIÓN DE SENDEIRISMO TERRAS DE LOURENZÁ ORGANIZOU UNHA ANDAINA POLA RUTA DO CARES

O pasado sábado 21 de Setembro de 2013, a Asociación de Sendeirismo Terras de Lourenzá, organizou unha ruta que ningún sendeirista debería deixar de facer, a Ruta do Cares. Nela participaron unhas 40 persoas, que tras percorrer uns 23, 5 km aproximadamente cruzaron de Posada de Valdeón a Poncebos, repoñendo forzas en Caín. A ruta tivo, como non podía ser doutro xeito, unha gran aceptación e os sendeiristas deron fe da preciosidade da mesma e os encantos que esconde, magnificados polo impresionante dia do que se disfrutou.

MAIORES VECIÑOS DO CONCELLO DE LOURENZÁ ASISTIRON A UN OBRADOIRO DE LECTURA E ESCRITURA EN GALEGO

Maiores veciños do concello de Lourenzá asistiron a un obradoiro de lectura e escritura en galego organizado polo Servizo de Normalización Lingüística da Mancomunidade de Concellos da Mariña Luguesa durante este mes de setembro. Este obradoiro impartiuno a técnico do servizo, que é a licenciada en filoloxía galego-portuguesa Mª Luz Pérez Goás, quen explicou que “a finalidade era crear un espazo onde as persoas de entre 60 e 80 anos puidesen compartir o pracer da lectura e da escritura en lingua galega.

Distribuir contenido