Noticias

Lourenzá, 15 de agosto de 2013. O vindeiro xoves, día 22 de agosto, remata o prazo de inscrición para participar na viaxe ao parque acuático de Cerceda organizada polo Concello de Lourenzá para os nenos e nenas maiores de 6 anos e os familiares que queiran acompañalos. A concelleira de Educación e Cultura, Lupe Flórez, explicou que das 51 prazas que hai quedan por cubrir 10. Os interesados en ocupar algunha delas poden inscribirse nas oficinas municipais en horario de 8:00 a 15:00.

Lourenzá, 15 de febreiro de 2013. A alcaldesa de Lourenzá, Emma Álvarez Chao, pide aos veciños que colaboren co roupeiro municipal, do que se encarga a educadora familiar do Concello, Dolores Villasuso. As familias necesitadas reciben prendas de maneira gratuíta e confidencial, como explicou a rexedora local.

O roupeiro está nas dependencias do centro de servizos sociais, que se atopan no inmoble coñecido como O Torreón, e tanto para entregar prendas como para recollelas o horario é de 10:00 a 13:00 horas.

O pleno da corporación municipal de Lourenzá tratará a creación dunha ordenanza para regular a venda ambulante e tamén a modificación das taxas que pagan os postos que se instalan nos mercados para facelas máis económicas e así incrementar o número de vendedores. Explicouno a alcaldesa, Emma Álvarez Chao, que convocou a sesión plenaria, de carácter ordinario, para este venres día 16 de agosto ás 12:30 horas.

A Atleta das E.D. Lourenzá Mondoñedo Ainara Rodríguez segue sendo a raíña das carreiras populares en edade alevín. Por "enésima" vez no ano volveu a vencer, xa que este pasado sábado 10 de Agosto impúxose como campiona obtendo a medalla de ouro na súa categoría ganando ademáis a todos os nenos e nenas da súa edade. Ademáis de Ainara, Marcos Rodríguez alcanzou a 23ª posición na categoría sénior masculino sobre unha distancia de 5 kilómetros (20:04) e Marisa Ares rematou na 13ª praza da sénior feminina con un tempo de 27:11.

Lourenzá, 12 de agosto de 2013. O Concello de Lourenzá axudará nos trámites que deberán facer os propietarios de terreos de Canedo afectados polo paso da liña eléctrica Boimente-Pesoz para constituírse como monte de varas. Esta foi unha das conclusións da xuntanza organizada polo Concello na que participou a avogada Pilar Orol.

D. Cesar Docampo Fernández, na súa calidade de voceiro do Grupo Municipal do Nacionalista, Dona Rocío López García, na súa calidade de voceira do Grupo Municipal Socialista e Dona Guadalupe Flórez Seivane, na súa calidade de voceira do Grupo Municipal Popular, ó abeiro da lexislación vixente, presenta, para o seu debate e aprobación se procede na vindeira sesión ordinaria que celebre a corporación municipal, a seguinte

Lourenzá, 8 de agosto de 2013. A corporación municipal de Lourenzá tratará no pleno que se celebrará o día 16 deste mes unha moción para aprobar o establecemento dunha partida anual de 200 euros do Concello destinada á sociedade Hijos de Lorenzana en La Habana. Anunciouno hoxe a concelleira de Cultura e portavoz do goberno municipal, Lupe Flórez Seivane.

El martes en Sta. Cruz se presentaron los equipos infantil, cadete y juvenil. Los infantiles y juveniles competirán en Liga Provincial de Fútbol y los Cadetes participarán en la Provincial de Futbito de las E.D. Lourenzá Mondoñedo. En el acto estuvieron presentes los presidentes del Lourenzá D. Pablo Maseda así como del Mondoñedo D. Manuel Barreira.

A Asociación de Sendeirismo Terras de Lourenzá, organizou este domingo día 04 de Agosto de 2013 unha Ruta dende a Ponte da Espiñeira ata a Area Recreativa de A Cazolga, unha ruta duns 12 km aproximadamente e de dificultade baixa. O día estivo perfecto para camiñar e a ruta permitiu aos sendeiristas desfrutar da natureza no seu estado máis puro xa que todo o percorrido transcorreu por unha fermosa paisaxe ao son do Río Masma.

Marta García e Sabela Uriz son as primeiras compoñentes que confirmaron no día de hoxe a súa renovación co equipo que esta vindeira temporada militará en Liga Nacional.