A CONCELLERÍA DE SERVIZOS SOCIAIS CONMEMORA O DÍA MUNDIAL CONTRA O CANCRO DE MAMA CUNHA MERENDA SOLIDARIA ESTE XOVES, DÍA 19, NO CENTRO SOCIAL TORREÓN DOS FRADES

Este xoves, dá 19 de outubro, terá lugar unha merenda solidaria no Centro Social Torreón dos Frades ás 18:00 horas con motivo do Día mundial contra o cancro de mama. Está organizada pola Concellería de Servizos Sociais.

Na merenda solidaria haberá mantecadas e chocolate para todos os asistentes e os donativos serán entregados a Asociación Española Contra o Cancro. O Concello de Lourenzá agradece a colaboración de Pastelería Cabaleiros, que contribúe aportando as mantecadas para a merenda.

A alcaldesa, Rocío López, e a concelleira de Servizos Sociais, Mercedes Dengra, fan un chamamento a todos os veciños e veciñas de Lourenzá para que participen “neste acto solidario, en apoio a todas aquelas persoas que padecen e loitan por superar esta enfermidade. Por segundo ano consecutivo decidimos organizar esta cita, dada a boa acollida que tivo a do ano pasado, na que houbo moita afluencia de xente e sobre todo moita participación e sensibilización cun tema tan serio como é o cancro de mama”.

Ademais colgarase no balcón da Casa do Concello de Lourenzá un gran lazo rosa co lema A túa loita é a miña loita, como símbolo de solidariedade con quen padece esta enfermidade.

A CONCELLERÍA DE SERVIZOS SOCIAIS CONMEMORA O DÍA MUNDIAL CONTRA O CANCRO DE MAMA CUNHA MERENDA SOLIDARIA ESTE XOVES, DÍA 19, NO CENTRO SOCIAL TORREÓN DOS FRADES