OITO OBRAS FORON SELECCIONADAS PARA PARTICIPAR NO PRIMEIRO CERTAME DE TEATRO CONCELLO DE LOURENZÁ. REPRESENTARÁNSE OS CATRO FINS DE SEMANA DE NOVEMBRO

Oito obras foron seleccionadas para participar no primeiro certame de teatro Concello de Lourenzá. Representaranse os catro fins de semana do vindeiro mes de novembro.

O concelleiro de Cultura, Manuel Arango, anunciou que “as obras e grupos teatrais seleccionadas para participar no I Certame de Teatro Afeccionado Concello de Lourenzá son as seguintes por orde de actuación:

4 de novembro.- A miña muller volveu, da Asociación Cultural Pico do Castro, de Foz.

5 de novembro.- Mass co-medias, da Asociación Teatro Airiños, de Rianxo.

11 de novembro.- Las entretenidas, de Andanzas, de Viveiro.

12 de novembro.- Menciñeiro á forza, da Asociación de Veciños de Lagoa (Alfoz).

17 de novembro.- A taberna de Suso, de Os Trangalleiros, de Lourenzá.

18 de novembro.- El picadero de mi abuelo, da Asociación Cultural Manuel Méndez de Arancedo (El Franco).

25 de novembro.- Sen seu amor, de A Adala, de Fazouro (Foz).

26 de novembro.- Enciclopedia Álvarez, de Ollomao, de Barreiros”.

Manuel Arango tamén explicou que “cada grupo seleccionado recibirá 300 euros en concepto de participación, montaxe, desprazamento, etcétera. Todos eles optarán aos seguintes premios: Premio Conde Santo á mellor representación, 600 euros e trofeo; premio Lourenzo ao mellor actor, trofeo; premio Ana á mellor actriz, trofeo; premio ao mellor actor de reparto, trofeo; premio á mellor actriz de reparto, trofeo; e premio á mellor posta en escena, trofeo. As obras representaranse no salón de actos do Concello ás 19:30 horas, agás a do venres 17, que será ás 20:30 horas. O prezo das entradas para cada unha das obras será de 3 euros”.

O edil de Cultura engadiu que “os premios serán entregados nunha gala especial, que se celebrará o 3 de decembro ás 19:00 horas e na que Cándido Pazó porá en escena a obra Que comerá o rei?”.