Novas

Novas do Concello

APRAZADO O DESFILE DE ENTROIDO EN LOURENZÁ, PREVISTO PARA A TARDE DE HOXE, DOMINGO

O Concello de Lourenzá anuncia a suspensión do desfile de Entroido polo mal tempo previsto para a tarde de hoxe, domingo,: “debido ás condicións meteorolóxicas dende o Concello e a ACIAL vémonos na obriga de aprazar o desfile de Domingo de Piñata. Nos vindeiros días publicaremos a nova data”.

E engaden: “lamentamos ter que tomar esta decisión e pedimos desculpas polas molestias que se puideran ocasionar. Que o mal tempo non nos saque a ninguén a ilusión do Entroido. Vémonos en breve”.

O TRADICIONAL DESFILE DE ENTROIDO CAMBIASE PARA O 25 DE FEBREIRO PORQUE O DOMINGO DE PIÑATA COINCIDE COAS ELECCIÓNS AUTONÓMICAS

O Concello e a Asociación de Comerciantes, Industriais e Autónomos de Lourenzá (ACIAL) anuncian que “o tradicional desfile de Domingo de Piñata de Lourenzá trasládase para o 25 de febreiro, con carácter excepcional. Este cambio na data ven motivado pola celebración das eleccións autonómicas que terán lugar o 18 de febreiro, coa finalidade de garantir un bo funcionamento de ambas xornadas. Esta modificación só afectará a este ano e nos vindeiros seguirá celebrándose na súa data habitual, igual que sempre”.

O XURADO DO V CERTAME DE TEATRO CONCELLO DE LOURENZÁ DEU A COÑECER OS NOMINADOS AOS PREMIOS

O xurado da quinta edición do Certame de Teatro Concello de Lourenzá -formado por Isabel Vilalba, Fina González, Javier Huertas, María Cruz Valea, Miguel Gavín, María José López e Manuel Arango- deu a coñecer os nominados nas distintas categorías de premios.

Para o premio Conde Santo á mellor representación os elixidos son: Arte, de Hipócrita Teatro; Pan con chocolate, de Ollomao; e Os veciños do lado, de Fauna 113.

O 4 DE NOVEMBRO COMEZA O V CERTAME DE TEATRO AFECCIONADO CONCELLO DE LOURENZÁ NO MULTIUSOS PONTE DE CUÑAS

O día 4 de novembro, sábado, ás 20:00 horas dará comezo no multiusos Ponte de Cuñas a quinta edición do Certame de Teatro Afeccionado Concello de Lourenzá.

O concelleiro de Cultura, Manuel Arango Ron, anuncia que “o sábado 4 de novembro dará comezo o V Certame de Teatro Concello de Lourenzá. Abrirá o concurso o grupo Hipócrita Teatro, de Lugo, coa obra Arte, e rematará o 16 de decembro coa gala de entrega de premios, que incluirá a representación da obra Anacos, de Ítaca Teatro”.

Distribuir contido