Novas

Novas do Concello

A gran Xana Rodríguez, Campiona Galega de Montaña Junior en Lalín!!! Noraboa, grande!!! Seguimos!!!

O Maderas Barcia Lourenzá Mariña Luguesa renova o título autonómico en categoría junior nas carreiras de montaña logrado a temporada pasada por Carmen López Diniz. Este ano tomaba o relevo natural Xana Rguez. para impoñerse na cima do Trail de Vilatuxe nas cumes de Lalín.

Xana entraba en meta con un tempo de 2 horas e 23 minutos, sendo a primeira atleta xuvenil e 14ª atleta feminina en cruzar a línea de chegada.

Ainara Rodríguez, convocada pola Selección Galega para o Cto. de Seleccións Autonómicas de Avilés (16 e 17 de Xuño)!!!!

Ainara Rguez. acaba de ser chamada pola selección galega para participar no Campionato de España de Seleccións Autonómicas que terá lugar en Avilés os vindeiros 16 e 17 xuño.

Ainara participará representando a Galicia nos 600 lisos e posiblemente tamén o fago nun relevo.

Ademáis desta cita nacional, Ainara presta tamén a atención en Castellón, onde estará tamén o 30 de xuño representándonos no Campionato de España.

MEDIO CENTENAR DE VECIÑ@S DE LOURENZÁ PARTICIPARON NUNHA EXCURSIÓN A MUXÍA E ÁS CASCADAS DO ÉZARO ORGANIZADA POLO CONCELLO

Medio centenar de veciños e veciñas de Lourenzá participaron nunha excursión a Muxía e ás cascadas do río Ézaro organizada pola Concellería de Servizos Sociais.

Na viaxe participaron os alumnos do taller de memoria do Concello de Lourenzá e outras persoas xubiladas maiores de 65 anos ata completar as prazas dispoñibles. Estiveron acompañados nesta actividade pola alcaldesa, Rocío López, e outros representantes municipais.

Éxito total do Maderas Barcia Lourenzá Mariña Luguesa na II Edición da Galochada Race de Valdepares (Asturias). Títulos para Ian Méndez, Henar Méndez, Leo Martínez e 5º posto de Pedro Moirón. Título absoluto para o noso míster, Juan Luís Méndez!!!

Un novo éxito da nosa sección de atletismo na carreira de obstáculos de Valdepares (Asturias).

Os componentes do Maderas Barcia Lourenzá Mariña Luguesa tiveron os seguintes resultados:

Prebenxamín: Campión Leo Martínez.

Benxamín: Campiona Henar Méndez e 5º posto para Pedro Moirón(aínda que é atleta prebx. disfrutou da proba dos maiores)

Infantil: Campión Ian Méndez.

A BIBLIOTECA MUNICIPAL PROGRAMA ACTIVIDADES PARA O PÚBLICO INFANTIL OS DÍAS 30 DE MAIO, 6 E 27 DE XUÑO

A biblioteca municipal de Lourenzá programa actividades para o público infantil os mércores 30 de maio, 6 e 27 de xuño.

O vindeiro mércores, día 30 deste mes, ás seis da tarde no salón de actos do Concello haberá un espectáculo de contacontos baseado en relatos de María Victoria Moreno a cargo de Charo Pita. Ao remate entregaranse os premios dos concurso de narración e debuxo Letras Galegas 2018.

A XUNTA DE VOCEIROS MUNICIPAIS ACORDOU APOIAR A INICIATIVA CIDADÁ DE HOMENAXEAR ÁS FIGURAS DE O GARDARRÍOS E A SÚA COMPAÑEIRA

A Xunta de Voceiros Municipais (PSOE, PP e BNG) do Concello de Lourenzá acorda apoiar a iniciativa cidadá de homenaxear ás figuras de Luis Trigo Chao (O Gardarríos) e á súa compañeira, Antonia Díaz Pérez, co gallo do 70 aniversario do seu asasinato a mans da ditadura franquista.

Esta homenaxe tamén é un recordo a todas aquelas persoas que dunha maneira ou doutra colaboraron naquela época na loita antifranquista.

Distribuir contido