Novas

Novas do Concello

A SALA DE EXPOSICIÓNS DO CONCELLO ACOLLERÁ UNHA MOSTRA DE PINTURAS E GRAVADOS DE LUÍS SEOANE DESDE ESTE DOMINGO ATA O 19 DE NOVEMBRO

A sala de exposicións do Concello de Lourenzá acollerá unha mostra de pinturas e gravados de Luís Seoane desde este domingo, 24 de outubro, ata o 19 de novembro.

Anunciouno o concelleiro de Cultura laurentino, Manuel Arango Ron, quen explica que esta exposición, titulada Luís Seoane, natural  “recolle pinturas e gravados que pertencen a coleccionistas particulares e o acceso para visitala será desde a biblioteca municipal”.

PARA CONMEMORAR O DÍA CONTRA O CANCRO DE MAMA O CONCELLO ORGANIZA UNHA CHARLA E TERÁ UN PHOTOCALL O VINDEIRO MARTES, DÍA 19

O Concello de Lourenzá organiza unha charla e instalará un photocall para conmemorar o Día Contra o Cancro de Mama o vindeiro martes, 19 de outubro.

A charla, sobre a vulnerabilidade en pacientes con cancro de mama, será ás 17:00 horas no centro de servizos sociais O Torreón dos Frades e correrá a cargo de representantes da Asociación Española contra el Cáncer.

O CONCELLO ORGANIZA ACTIVIDADES DE XIMNASIA DE MANTEMENTO EN SAN ADRIANO, SANTO TOMÉ E NO PAVILLÓN DE VILANOVA A PARTIR DO DÍA 13 DESTE MES

O Concello de Lourenzá organiza actividades de ximnasia de mantemento dentro do programa de dinamización nas parroquias. Esta iniciativa da Concellería de Deportes comezará o 13 de outubro e desenvolverase ata decembro.

A concelleira de Deportes, Sonia Gavino, anuncia que “o 13 de outubro comezarán as actividades, que se van a impartir durante os meses de outubro, novembro e decembro deste ano. Serán totalmente gratuítas, farase en grupos reducidos (máximo 10 persoas) e con mascarilla obrigatoria”.

A EXPOSICIÓN ITINERANTE "AQUELA NENA DE SARRIA” FOI PRESENTADA EN LOURENZÁ

A Casa do Concello de Lourenzá acolleu a presentación da mostra itinerante “Aquela nena de Sarria”, un proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas, e que conta co patrocinio da Consellería de Cultura, Educación e Universidade da Xunta de Galicia, e a colaboración do Concello de Sarria e a Real Academia Galega.

FORMALIZADO O CONTRATO DE OBRAS PARA "MELLORA DE VÍAS MUNICIPAIS" (PLAN ÚNICO 2021)

FORMALIZADO O CONTRATO DE OBRAS PARA "MELLORA DE VÍAS MUNICIPAIS: ESTRADA DE MASMA-PENA-TIAGONCE, PISTA POUSADA, REGO VILAZO E ENTORNO DA FEIRA VELLA" (PLAN ÚNICO 2021)

Con data 7 de setembro de 2021 formalizouse o contrato de obras entre o Concello de Lourenzá e D. Isidro Otero Bello en representación de Construcciones Isidro Otero S.L., para a que se concedeu unha subvención pola Excma. Deputación Provincial de Lugo a través de Plan Único do exercicio do 2021.

Distribuir contido