Novas

Novas do Concello

O CONCELLO CONSTRUÍU UN DEPÓSITO DE AUGA PARA INCENDIOS NA PARROQUIA DE SANTO TOMÉ

O Concello de Lourenzá construíu un depósito de auga na parroquia de Santo Tomé, concretamente no lugar de Cadros, para utilizar en caso de incendio.

A alcaldesa de Lourenzá, Rocío López, explicou que “esta obra, que consistiu na construción dun depósito de formigón armado de 75 metros cúbicos, foi financiada a través dun convenio interadministrativo coa Deputación de Lugo por importe de 23.595 euros”.

LOURENZÁ DEDICA UNHA XORNADA Á PINTORA JULIA MINGUILLÓN E EXPÓN NAS RÚAS REPRODUCIÓNS DE OBRAS SÚAS. ESTAS ACTIVIDADES ESTÁN ORGANIZADAS POLO CONCELLO E A ASOCIACIÓN PATRIMONIO LAURENTINO

O Concello de Lourenzá e a asociación Patrimonio Laurentino organizan unha xornada dedicada á pintora Julia Minguillón, artista que estivo moi vinculada ao municipio. Será o día 28 deste mes, sábado, ás 18:00 horas no mosteiro de San Salvador, onde haberá unha charla na que intervirán a directora do Museo Provincial de Lugo, a museóloga Aurelia Balseiro García, e María Fidalgo Casares, que é doutora en Historia do Arte e membro da Academia Andaluza de Historia.

A BANDA DE LOURENZÁ ACTÚA ESTE DOMINGO 15 EN SANTO TOMÉ DENTRO DO CICLO MÚSICA NAS PARROQUIAS

Lourenzá, 13 de agosto de 2021. A Banda de Música de Lourenzá actúa este domingo, día 15 de agosto, en Santo Tomé, concretamente na área recreativa O Pereiro, ás 20:30 horas. Este concerto está incluído no ciclo Música nas parroquias.
Neste evento, que se desenvolverá ao aire libre, haberá medidas anti covid, será obrigatorio o uso da máscara e manter unha distancia de seguridade de 2 metros entre os asistentes.

 

 

LOURENZÁ ACOLLE O 17 DE XULLO UNHA XORNADA SOBRE FERNÁNDEZ DEL RIEGO, NA QUE INTERVIRÁN GRANDES COÑECEDORES DO ESCRITOR LAURENTINO

O claustro do mosteiro de San Salvador acollerá o día 17 deste mes, sábado, a partir das 11 da mañá unha xornada sobre Francisco Fernández del Riego. No evento intervirán grandes coñecedores do escritor laurentino: Manuel Román Ramos, Francisco Domínguez Martínez, Xosé López González, Malores Villanueva Gesteira e Antón Vidal Andión. Para asistir as xornadas hai que inscribirse previamente a través do teléfono 649.28.17.91 ou do correo electrónico patrimonio.laurentino@gmail.com.

O CONCELLO INVESTIRÁ 592.000 EUROS PARA CREAR UN LOCAL MULTIUSOS NA NAVE DO RECINTO FEIRAL E MELLORAR CAMIÑOS MUNICIPAIS E O ENTORNO DO CAMPO DE FÚTBOL

O Concello de Lourenzá investirá 592.000 euros para crear un local multiusos na nave do recinto feiral e mellorar camiños municipais e o entorno do campo de fútbol. Para a realización destes proxectos no pleno da corporación local aprobouse, cos votos a favor do equipo de goberno, un expediente de modificación de crédito con cargo ao remanente de tesourería.

Distribuir contido