Novas

Novas do Concello

A ALCALDESA ASINARÁ UN CONVENIO CO CONSELLEIRO DE MEDIO AMBIENTE PARA FACER MELLORAS NAS RÚAS FERNÁNDEZ DEL RIEGO E MUÍÑO DO FRADE. TAMÉN SE DEU A COÑECER QUE O MUNICIPIO CONTA CO SERVIZO DE HOSPITALIZACIÓN A DOMICILIO

Lourenzá, 22 de novembro de 2013. A alcaldesa de Lourenzá, Emma Álvarez Chao, asinará un convenio co conselleiro de Medio Ambiente, Territorio e Infraestruturas, Agustín Hernández, para facer obras de mellora nas rúas Fernández del Riego e Muíño do Frade. Foi aprobado en xunta de goberno local, na que ademais deuse a coñecer que o municipio conta co servizo de hospitalización a domicilio, do que xa se beneficia un veciño.

O CONCELLO INSTALOU NA SÚA PÁXINA WEB UN CALENDARIO NO QUE SE INCLÚEN OS ACTOS QUE HAI CADA DÍA NO MUNICIPIO. A ALCALDESA PIDE A COLABORACIÓN DOS COLECTIVOS LOCAIS PARA QUE APAREZAN AS ACTIVIDADES QUE ORGANIZAN TODOS ELES

Lourenzá, 21 de novembro de 2013. O Concello de Lourenzá instalou na súa páxina web un calendario no que se inclúen os actos que hai cada día no municipio. A alcaldesa, Emma Álvarez Chao, pide a colaboración dos colectivos locais para que aparezan as actividades que organizan todos eles.

O CONCELLO PROMOVE A CREACIÓN DUN GRUPO DE VECIÑOS PARA PARTICIPAR CONXUNTAMENTE NUN PROGRAMA TERMAL DO IMSERSO NO BALNEARIO DE PANTÓN O VINDEIRO ANO. ESTA INICIATIVA XURDIU DURANTE A VIAXE Á RIBEIRA SACRA QUE FIXERON ONTE MEDIO CENTO DE LAURENTINOS

Lourenzá, 20 de novembro de 2013. O Concello de Lourenzá promove a creación dun grupo de veciños para participar conxuntamente nun programa termal do Imserso no balneario de Pantón, viaxe que se fará no primeiro trimestre do vindeiro ano 2014. Esta iniciativa xurdiu durante a excursión á Ribeira Sacra que fixeron onte medio cento de laurentinos, a maior parte deles participantes no taller de memoria. Anunciouno hoxe a alcaldesa, Emma Álvarez Chao.

AS ACTIVIDADES DO ANO DEDICADO A FRANCISCO FERNÁNDEZ DEL RIEGO REMATARÁN O VINDEIRO MARTES, DÍA 26, COA INAUGURACIÓN DUNHA EXPOSICIÓN E UNHA LOA A DON PACO A CARGO DO SECRETARIO XERAL DE CULTURA DA XUNTA, ANXO LORENZO

Lourenzá, 19 de novembro de 2013. As actividades do ano dedicado polo Concello de Lourenzá a Francisco Fernández del Riego rematarán o vindeiro martes, día 26, coa inauguración dunha exposición e unha loa a don Paco diante do seu busto a cargo do secretario xeral de Cultura da Xunta, Anxo Lorenzo.

O CONCELLO CONMEMORARÁ O DÍA CONTRA A VIOLENCIA DE XÉNERO COA RECOLLIDA DE FIRMAS, A COLOCACIÓN DUN LAZO MALVA, A PRESENTACIÓN DO PLAN MUNICIPAL DE IGUALDADE E UNHA MARCHA POLAS RÚAS, QUE REMATARÁ COA LECTURA DUN MANIFESTO E A SOLTA DE GLOBOS

Lourenzá, 18 de novembro de 2013. O Concello de Lourenzá conmemorará o próximo luns, 25 de novembro, o día internacional contra a violencia de xénero coa recollida de firmas, a colocación dun lazo malva, a presentación do plan municipal de igualdade e unha marcha polas rúas, que rematará coa lectura dun manifesto e a solta de globos malvas e brancos. Anunciouno hoxe a alcaldesa, Emma Álvarez Chao.

A XUNTA PROMOVE A CONSTITUCIÓN DUNHA COOPERATIVA DEDICADA Á COMERCIALIZACIÓN DA FABA ENTRE FABEIROS E PRODUTORES DE HORTA DA MARIÑA DE LUGO

Santiago de Compostela, 14 de novembro de 2013.- A Subdireción Xeral de Cooperativas e Economía Social da Consellería de Traballo e Benestar está a promover a constitución dunha cooperativa especializada na comercialización da faba amparada baixo a IXP Faba de Lourenzá e outros produtos de horta da Mariña lucense co obxectivo de poñer en valor este produto, obviando a intervención de intermediarios, e sendo comercializado polos propios produtores, a prezos de mercado coherentes, transparentes e non especulativos.

O SISTEMA PARA ESCORRENTAR AS POMBAS DA FACHADA DA IGREXA DE SANTA MARÍA DE VALDEFLORES SERÁ RETIRADO POLA SÚA ESCASA EFECTIVIDADE. CONCELLO E DIOCESE ACORDARON COLOCAR PÚAS, PARA O QUE XA SOLICITARON PERMISO A PATRIMONIO

Lourenzá, 14 de novembro de 2013. O sistema para escorrentar as pombas instalado na igrexa de Santa María de Valdeflores, no conxunto histórico do mosteiro de San Salvador, será retirado pola súa escasa efectividade. O Concello de Lourenzá e a Diocese Mondoñedo-Ferrol tomaron esa decisión e tamén a de colocar púas nalgunhas zonas da fachada do edificio, para o que xa solicitaron permiso a Patrimonio.

O CONCELLO PORÁ EN MARCHA UN PLAN DE IGUALDADE DE OPORTUNIDADES ENTRE MULLERES E HOMES, QUE SE TRATARÁ NO PLENO DA CORPORACIÓN MUNICIPAL ESTE VENRES. ABORDARANSE TAMÉN AS MULTAS AOS QUE NON RECOLLAN OS EXCREMENTOS DAS SÚAS MASCOTAS EN ESPAZOS PÚBLICOS

Lourenzá, 13 de novembro de 2013. O Concello de Lourenzá porá en marcha un plan de igualdade de oportunidades entre homes e mulleres, que se someterá a aprobación no pleno da corporación municipal convocado para este venres, día 15, ás 12:30 horas. Na sesión abordarase tamén a imposición de multas aos que non recollan os excrementos das súas mascotas en espazos públicos.

Distribuir contido