Novas

Novas do Concello

A AULA DE FORMACIÓN DO MERCADO GANDEIRO ACOLLE UN CURSO DE TEAR CON DEZ PARTICIPANTES. REMATARÁ O DÍA 13 DESTE MES

Lourenzá, 4 de novembro de 2013. A aula de formación do mercado gandeiro de Lourenzá acolle un curso de tear promovido pola Deputación Provincial de Lugo. Conta con dez participantes e rematará o día 13 deste mes de novembro.

Esta actividade formativa, que está sendo impartida por Noela Feal Jiménez, desenvólvese os martes e os venres e terá unha duración total de 42 horas.

REMATOU A IV REI CINTOLO CON ÉXITO DE PARTICIPACIÓN, CON MÁIS DE 150 PARTICIPANTES O QUE FIXO DOBRAR O NÚMERO DA ANTERIOR CO QUE SE DESBORDARON AS PREVISIÓNS INICIAIS

Rematou a IV Rei Cintolo con éxito de participación, con máis de 150 participantes o que fixo dobrar o número da anterior co que se desbordaron as previsións iniciais.

Resultados:

1 - Manuel Carrelo Magadán. Taramundi. C. De Vela Castropol

2 - Marcos Vale García. Viveiro. Peña Ciclista Lar.

3 - Manuel Rey García. Nosportlimit-Treck-Galicia. A Coruña.

 

Premio ó máis veterano:

- Rosendo Fdez. Méndez. El Franco. Club de Vela Castropol.

 

Premio ó máis novo:

Gonzalo Pérez Fdez

O CONCELLO PRESENTARÁ TRES ALEGACIÓNS AO PROXECTO DE DELIMITACIÓN DO CAMIÑO NORTE DE SANTIAGO. SOLICITA QUE NON SUPOÑA MÁIS RESTRICIÓNS PARA A EXPLOTACIÓN FORESTAL, QUE SE CONSTRÚA UN ALBERGUE NA ANTIGA CASA REITORAL DE SANTO TOMÉ

Lourenzá, 1 de novembro de 2013. O Concello de Lourenzá presentará tres alegacións ao proxecto de delimitación do Camiño Norte de Santiago para solicitar que non supoña más restricións para a explotación forestal, que se constrúa un albergue na antiga casa reitoral de Santo Tomé e que non se habilite unha variante marítima na ruta xacobea do Norte. Anunciouno hoxe a alcaldesa de Lourenzá, Emma Álvarez Chao.

A CHARLA SOBRE FRANCISCO FERNÁNDEZ DEL RIEGO QUE SE CELEBRARÁ ESTE SÁBADO CONTARÁ CON TRES PARTICIPANTES: MANUEL ROMÁN, FRANCISCO DOMÍNGUEZ E XOSE LUIS ANXEMIL

Lourenzá, 31 de outubro de 2013. A charla coloquio sobre Francisco Fernández del Riego que se celebrará este sábado, día 2 de novembro, no salón de actos da casa de cultura de Lourenzá contará con tres participantes: o escritor Manuel Román; o director da Fundación Penzol, Francisco Domínguez; e Xosé Luis Anxemil, membro do equipo de coordinación lingüística da Xunta de Galicia en Lugo. Anunciouno hoxe a concelleira de Cultura, Lupe Flórez Seivane.

NA SECCIÓN DO E.D.LOURENZA.CICLISMO DECIDIMOS CELEBRAR A "IV RUTA BTT REI CINTOLO " O PRÓXIMO DOMINGO, 3 DE NOVEMBRO

Tras revisar a cada día máis apertada axenda de rutas e kedadas, na sección do E.D.Lourenza.ciclismo decidimos celebrar a "IV Ruta btt Rei cintolo " o próximo domingo, 3 de Novembro

A edición deste ano percorrerá pistas e sendeiros por unha das zonas máis bonitas dos nosos bosques, un percorrido moi completo cunha forte suba, unha baixada espectacular e unha zona de sendeiros por preciosas paraxes ( parque da Fraga Vella ) ; asegurámosvos unha xornada de bo BTT!!!

As inscripcións rematan no dia de hoxe, e agora mesmo pasamos os 100 inscritos:

Distribuir contido