Novas

Novas do Concello

OS ACTOS DA 23ª FESTA DA FABA EMPEZARÁN MAÑÁ, CANDO HABERÁ RUTA DE TAPAS, CANTOS DE TABERNA, INAUGURACIÓN DUNHA EXPOSICIÓN DE DAVID CATÁ E A FARRA DA FABA. FALLOUSE O CONCURSO DE FOTOGRAFÍA, QUE GAÑOU A RIBADENSE BELÉN PÉREZ TEIJO

Lourenzá, 3 de outubro de 2013. Os actos da 23ª edición da Festa da Faba empezarán mañá, venres, xornada na que haberá ruta de tapas en 8 establecementos hostaleiros, cantos de taberna, a inauguración dunha exposición do artista David Catá e a Farra da Faba. Ademais fallouse o concurso de fotografía organizado con motivo do festexo, certame que gañou a ribadense María Belén Pérez Teijo.

TAIMARA SUERO ATERRIZA DE NOVO

Por segunda temporada consecutiva a exinternacional cubana aterriza no equipo de basket de Nacional. TAIMARA SUERO CORONADO (Cuba - 1979); é unha escolta de 1,74 que foi internacional dende os anos 1996 ó 2007 con Cuba, coa que ganou a medalla de ouro dos xogos panamericanos 2003 Santo Domingo, Medalla de bronce dos xogos panamericanos 2007 Rio de Xaneiro, e xogou en Europa en Hungría(2007/08), en Liga-2 no Chajeba04 xa en España e máis recentemente no Arxil de Pontevedra na 2010-2011, e tras xogar en Italia e chegou a finais da temporada pasada a Lourenzá.

ALMUDENA PUENTE, OUTRO REFORZO DE LUXO

Almudena Puente poderá debutar esta semana no equipo de Nacional de Juan Nécega. Esta pívot, formada nas categorías inferiores do Ensino participou durante dúas temporadas en Liga Feminina-2 co Maquinaria Durán Ensino e o ano pasado xogou en Nacional con Maristas Coruña. Esta xogadora reforzará sen dúbida o xogo interior do equipo, algo que buscaba o técnico Juan Nécega.

OITO RÚAS DE VILANOVA ESTARÁN PECHADAS AO TRÁFICO DURANTE A FESTA DA FABA E OS FESTEXOS DE SAN MARCIAL E HABERÁ OUTROS CAMBIOS. FORON ANUNCIADOS POLA ALCALDESA A TRAVÉS DUN BANDO

Lourenzá, 30 de setembro de 2013. A celebración da Festa da Faba e dos festexos de San Marcial orixinará modificacións no tráfico de vehículos en Vilanova de Lourenzá entre as que destacan o peche de oito rúas. Eses cambios foron anunciados pola alcaldesa, Emma Álvarez Chao, a través dun bando.

A rúa Paseo de Oya xa estará cortada dende mañá, martes, día 1 de outubro, ás 13 horas e a Praza César Chavaría permanecerá pechada dende as 15 horas do mércores, 2 de outubro.

3 TRIUNFOS E 7 PODIUMS DESFIANDO A AUGA NA POPULAR DE VIVEIRO!!

No día de onte os intrépidos atletas das E.D. Lourenzá Mondoñedo desafiaron a auga participando na Carreira Popular de Viveiro. En total preto de 200 participantes na proba. Noraboa a todos polo esforzo realizado, e desexar unha rápida recuperación a Claudia Graña que no día de onte volvía para a casa lesionada.

Resultados de pódiums:

PITUFOS FEMININO: 1ª – Diana Lastra. 2ª - Carmen García.

BX. FEMININO: 1º- Ana Vallinez.2ª- Ainara Rguez.

AV. FEMININO: 1ª – Claudia Graña.

A 23ª FESTA DA FABA INCLUIRÁ TRES DEGUSTACIÓNS DE PRATOS, MERCADOS E ACTIVIDADES CULTURAIS, FESTIVAS E DEPORTIVAS. HOXE PRESENTOUSE O CARTEL E O PROGRAMA DO FESTEXO, QUE SERÁ PREGOADO POR IAGO CASTRILLÓN E INAUGURADO POLA CONSELLEIRA DE TRABALLO

Lourenzá, 27 de setembro de 2013. A 23ª edición da Festa da Faba, que se celebrará do 4 ao 6 de outubro, incluirá degustacións de tres pratos diferentes, un deles novo neste festexo pero que era moi típico na zona hai anos: potaxe de fabas á antiga usanza. Tamén haberá mercados e numerosas actividades culturais, festivas e deportivas, que figuran no programa presentado hoxe xunto co cartel elaborado pola nena Antía Lillo Irimia. O evento será pregoado polo premiado cociñeiro laurentino Iago Castrillón e inaugurado pola Conselleira de Traballo, Beatriz Mato, o sábado 5.

PRESENTACIÓN DA IV CARREIRA POPULAR VAL DAS FABAS 2013

    Hoxe xoves día 26 DE SETEMBRO, ás 18:00 horas e no salón de Actos do Concello deLourenzá presentouse en roda de prensa a IV EDICIÓN DA CARREIRA POPULAR VAL DAS FABAS.
    A carreira será o vindeiro 5 de outubro enmarcada dentro da programación festiva da Festa da Faba de Lourenzá ás 16:30 horas para categorías menores e ás 17:30 horas para cadetes, juniors e séniors(percorrido de 6,330)

    Estiveron presentes,

O CAMPO DE ADESTRAMENTO DE SANTA CRUZ SERÁ ACONDICIONADO POLO CONCELLO COA AXUDA DA XUNTA A TRAVÉS DUN CONVENIO QUE FOI APROBADO HOXE POLA COMISIÓN DE GOBERNO MUNICIPAL. A ALCALDESA LAMENTA A FALTA DE APOIO DA DEPUTACIÓN DE LUGO PARA ESTA OBRA

Lourenzá, 26 de setembro de 2013. O campo de adestramento de Santa Cruz será acondicionado polo Concello de Lourenzá coa axuda da Xunta de Galicia a través dun convenio que foi aprobado hoxe pola comisión de goberno municipal. A alcaldesa, Emma Álvarez Chao, lamenta a falta de apoio da Deputación de Lugo para esta obra.

A SALA MULTIUSOS DO TORREÓN DOS FRADES ACOLLERÁ UN CURSO DE BAILE DE SALÓN PARA NENOS E ADULTOS A PARTIR DO 2 DE OUTUBRO

Lourenzá, 26 de setembro de 2013. O vindeiro mércores, día 2 de outubro, ás 22:15 horas empezará en Lourenzá un curso de baile de salón para nenos e adultos, que se desenvolverá na sala multiusos do Torreón dos Frades.

Será impartido pola escola de baile Goldance, constará de dez clases e os teléfonos de contacto para os interesados son 620.770.388 e 680.725.978.

Distribuir contido