Novas

Novas do Concello

A NENA ANTÍA LILLO IRIMIA, LAURENTINA DE 10 ANOS, FOI A GAÑADORA DO PRIMEIRO CONCURSO CONVOCADO PARA ELIXIR O CARTEL DA FESTA DA FABA. A IMAXE UTILIZARASE PARA DIFUNDIR O FESTEXO, QUE SE CELEBRARÁ DO 4 AO 6 DE OUTUBRO

Lourenzá, 17 de setembro de 2013. A nena laurentina Antía Lillo Irimia, de 10 anos e alumna do colexio Juan Rey, foi a gañadora do primeiro concurso convocado polo Concello de Lourenzá e a asociación de comerciantes, industriais e autónomos local para elixir o cartel anunciador da Festa da Faba. A imaxe utilizarase en todo o material gráfico que se faga para difundir a 23ª edición do festexo, que se celebrará do 4 ao 6 de outubro.

EMMA ÁLVAREZ FAI BALANCE DO SEU PRIMEIRO ANO NA ALCALDÍA, QUE SE CUMPRIU ONTE. DESTACA A PROMOCIÓN DA ACTIVIDADE DE COLECTIVOS NO MUNICIPIO, OBRAS EXECUTADAS E XESTIÓNS QUE DARÁN OS SEUS FROITOS EN BREVE

Lourenzá, 16 de setembro de 2013. Emma Álvarez Chao fixo hoxe balance do seu primeiro ano na Alcaldía, que se cumpriu onte, día 15 de setembro. Destes doce meses destaca a promoción da actividade que levan a cabo colectivos no municipio, como a renovada asociación de comerciantes, industriais e autónomos, a creación dunha asociación de sendeirismo ou os pasos dados para a constitución da cooperativa comercializadora de faba de Lourenzá.

A ESTRADA COÑECIDA COMO CAMIÑO A REABRIUSE AO TRÁFICO DESPOIS DO ARRANXO REALIZADO POLA XUNTA DE GALICIA. A ALCALDESA EXPLICOU QUE AGORA A DEPUTACIÓN DE LUGO TEN UN MES DE PRAZO PARA ASUMIR A TITULARIDADE DESTE VIAL

Lourenzá, 13 de setembro de 2013. A estrada coñecida como Camiño A reabriuse ao tráfico onte, xoves, despois das obras de arranxo realizadas pola Xunta de Galicia. Anunciouno esta mañá a alcaldesa de Lourenzá, Emma Álvarez Chao, quen explicou que agora a Deputación Provincial de Lugo ten un mes de prazo para asumir a titularidade deste vial.

PRESENTACIÓN DAS ESCOLAS DEPORTIVAS

Onte xoves presentaronse as Categorías Menores das Escolas Deportivas, concretamente os equipos de fútbol sala prebenxamín, benxamín e alevín, fútbol 8 alevín; así como as seccións de baloncesto (benxamín e alevín), atletismo, patinaxe, bádminton e tenis de mesa das E.D. Lourenzá Mondoñedo. O resto de equipos xa tiveron as súas presentacións dende comenzos de agosto e levan máis tempo adestrando.

ESTÁ A PIQUES DE REMATAR O ACONDICIONAMENTO DA ESTRADA DE ACCESO AO CEIP JUAN REY E A XUNTA INSTALA UN ASCENSOR NO CENTRO PARA MELLORAR A SÚA ACCESIBILIDADE

Lourenzá, 11 de setembro de 2013. En Lourenzá están as piques de rematar os traballos para acondicionar a estrada de acceso ao CEIP Juan Rey, que é a avenida de Soutelo. Ademais a Xunta de Galicia está a instalar un ascensor no centro para mellorar a súa accesibilidade. Por iso a alcaldesa, Emma Álvarez Chao, considera que o inicio do curso chega con boas noticias para os estudantes laurentinos.

ENTROU EN VIGOR ONTE A ORDENANZA SOBRE O USO E APROVEITAMENTO ESPECIAL DAS VÍAS PÚBLICAS E ESPAZOS MUNICIPAIS. O SEU INCUMPRIMENTO PODE SUPOÑER MULTAS DE ATA 100.000 EUROS

Lourenzá, 10 de setembro de 2013. Despois de publicarse no Boletín Oficial da Provincia do pasado sábado, día 7 de setembro, entrou en vigor onte, luns, a ordenanza do Concello de Lourenzá sobre o uso e aproveitamento especial das vías públicas e espazos de titularidade municipal, que regula a carga e transporte de madeira e outras actividades extraordinarias nas estradas do Concello. O seu incumprimento pode supoñer multas de ata 100.000 euros.

EMMA, BRAIS, DIANA, NICO, ANA, XANA E AARÓN VENCEN NA BENQUERENCIA TERRA MAR NO REGRESO DE MANUEL FOLGUEIRA Á SECCIÓN

PITUFOS FEMININO: 1ª – Emma García.

PREBX MASCULINO: 1º- Brais Diaz. 3º - David Martínez.

PREBX FEMININO: 1º- Diana Lastra. 2ª – Carmen García.

BX. MASCULINO: 1º- Nicolás Álvarez.

BX. FEMININO: 2ª – Hiba Bouyzar

AV. FEMININO: 1ª – Ana Vallines

INF. FEMININO: 1ª – Xana Rodríguez

CAD. MASCULINO: 1º - Aarón Rivas

CAD. FEMININO: 3ª – Camen López

Distribuir contido