Novas

Novas do Concello

O DOMINGO HABERÁ UN CONCERTO DA BANDA DE FOZ NA IGREXA DE SAN ADRIANO

O domingo 27 ás 12:30 horas na igrexa de San Adriano haberá un concerto da Banda de Música de Foz. “Está incluído no programa de dinamización das parroquias, dentro do Plan Único da Deputación. Se a climatoloxía o permite será no campo da igrexa e no caso de chuvia farase no interior e con aforo limitado”, explica Manuel Arango.

O PREMIO DO CONCURSO DE POSTAIS CONVOCADO POLO CONCELLO SERÁ ENTREGADO ESTE MÉRCORES

O premio do concurso de postais convocado polo Concello de Lourenzá será entregado este mércores, día 23.

O concelleiro de Cultura, Manuel Arango Ron, anuncia que “foi elixida a postal que vai empregar como felicitación de Nadal, que é a gañadora do concurso convocado polo Concello de Lourenzá, cuxa autora é Sara Terrón, de 10 anos. O premio, que consiste en 100 euros e trofeo, será entregado este mércores, día 23, ás 17 horas, durante a visita de Papá Noel ao concello”.

O CONCELLO CONVOCA UN CONCURSO DE POSTAIS E A PREMIADA EMPREGARASE COMO FELICITACIÓN MUNICIPAL

O Concello de Lourenzá convoca un concurso de postais entre os escolares de Infantil e Primaria do municipio. A premiada será empregada polo Concello como felicitación de Nadal.

O concelleiro de Cultura, Manuel Arango Ron, explica que “os traballos deberán presentarse en cartolina A4 e a técnica é libre. Establécese un único premio de 100 euros e trofeo”.

O prazo de entrega, na biblioteca municipal, está aberto ata o día 16 deste mes.

ENTREGADOS OS PREMIOS DO CONCURSO ARTE CON FABAS, ORGANIZADO POLA ACIAL COA COLABORACIÓN DO CONCELLO.

Lourenzá, 16 de outubro de 2020. O Centro de Interpretación da Faba de Lourenzá acolleu a entrega de premios da primeira edición do concurso Arte con Fabas, que foi organizado pola Asociación de Comerciantes, Industriais e Autónomos de Lourenzá (ACIAL) coa colaboración do Concello. O certame consistiu na realización dun collage elaborado principalmente con fabas. Establecéronse 3 categorías: ata os 10 anos (A), de 11 a 16 anos (B) e adultos (C).

A IGREXA PARROQUIAL DE LOURENZÁ ACOLLERÁ UN CONCERTO DE VIOLÍN E PIANO A CARGO DO DÚO METAMORPHOSES ESTE SÁBADO

Este sábado, 17 de outubro, ás 18:30 horas o dúo Metamorphoses ofrecerá un concerto de violín e piano na igrexa parroquial de Vilanova de Lourenzá.

O concelleiro de Cultura, Manuel Arango Ron, explica que “interpretarán obras de Bach, Brahms e Lizst, entre outros. Este concerto enmárcase no programa Concertos polo Camiño do Norte de O Teu Xacobeo polos Camiños de Santiago, que teñen lugar en localidades do Camiño que son final de etapa”.

Distribuir contido