Novas

Novas do Concello

COMEZARON AS OBRAS PARA MELLORAR A AVENIDA DE SOUTELO CUN INVESTIMENTO DE 60.500 EUROS APORTADOS POLA XUNTA A TRAVÉS DUN CONVENIO ASINADO CO CONCELLO. OS TRABALLOS FORON SUPERVISADOS HOXE POLO CONCELLEIRO DINO VIDAL

Lourenzá, 23 de agosto de 2013. Comezaron as obras para mellorar a avenida de Soutelo, que é a vía de acceso ao colexio público Juan Rey, ao polideportivo, ao Punto de Atención á Infancia, a Casa da Xuventude e aos núcleos de Soutelo e Alaxe dende a estrada LU-122. Esta actuación conta cun investimento de 60.500 euros que aporta a Xunta de Galicia a través dun convenio asinado pola alcaldesa de Lourenzá, Emma Álvarez Chao, co conselleiro de Medio Ambiente, Territorio e Infraestruturas, Agustín Hernández.

5 ATLETAS DA SECCIÓN DE CICLISMO DAS ESCOLAS ESTARÁN O VINDEIRO VENRES 24 DE AGOSTO NA PREVIA CICLOTURISTA DA “VUELTA A ESPAÑA”

Ángel Prado, Emérito Fdez, J. Antonio Glez, Félix Cabanas e Francisco Álvarez participarán na marcha cicloturista previa ó inicio da VUELTA CICLISTA A ESPAÑA, en solidaridade cos afectados polo fatídico accidente de tren de Angrois. Personalidades como Fernando Escartín, Carlos de Andrés ou Perico Delgado subirán ás bicicletas na marcha Pedaladas pola lembranza. Esta comenzará ás 9.30 horas da mañá e percorrerá 127 kilómetros con saída no Peirao de Vilanova de Arousa e chegada ó Monte Lobeira.

O CONCELLO LOGROU REDUCIR CONSIDERABLEMENTE O PERÍODO DE PAGO DAS FACTURAS ÓS PROVEDORES. DEUSE A COÑECER NO PLENO DA CORPORACIÓN, NO QUE SE APROBARON A ORDENANZA REGULADORA DA VENDA AMBULANTE E A MODIFICACIÓN DAS TAXAS PARA OS POSTOS DOS MERCADOS

Lourenzá, 16 de agosto de 2013. O Concello de Lourenzá logrou reducir considerablemente o período de pago das facturas de gastos correntes presentadas polos provedores. Así se deu a coñecer no pleno da corporación municipal celebrado hoxe, sesión na que foron aprobadas por unanimidade a ordenanza reguladora da venda ambulante e a modificación das taxas para os postos que se instalan nos mercados.

DENDE O VENRES ESTARÁ ABERTO O PRAZO DE INSCRIPCIÓN DA IV VAL DAS FABAS 2013

Dende mañá venres estará aberto o prazo de inscripción da IV Val das Fabas 2013, que este ano pega un salto de calidade en canto a premios e organizacón, posto que terá crono dixital durante todo o circuito. Seguirá desenrolándose no prestixioso circuito urbán e enmarcada dentro do Programa da Festa da Faba (declarada de Interés Turístico) e será o vindeiro sábado 5 de outubro.

 

Destacar:

PREMIOS / VARIOS

- Haberá trofeos para os tres primeiros clasificados de todas as categorías.

GRAN COLLEITA DE TROFEOS NA SUBIDA A PIANTÓN

Gran colleita de trofeos e metais da sección de atletismo das Escolas no dia de onte na subida a Piantón (Vegadeo). Destacar a alta participación, sobre todo en categorías menores que tivo a proba asturiana. Resultados máis destacados por categorías:

Pitufos:

Iria Rodríguez – Medalla de prata.

Prebenxamín – Benxamín – Alevín Masculino:

Aleix Díaz – Medalla de prata

Prebenxamín – Benxamín – Alevín Feminino:

Ainara Rodríguez – Medalla de ouro.

Ana Vallines – Medalla de bronce.

Infantil Feminino:

O VINDEIRO XOVES REMATA O PRAZO DE INSCRICIÓN PARA A VIAXE AO PARQUE ACUÁTICO DE CERCEDA ORGANIZADA POLO CONCELLO. QUEDAN POR CUBRIR 10 PRAZAS

Lourenzá, 15 de agosto de 2013. O vindeiro xoves, día 22 de agosto, remata o prazo de inscrición para participar na viaxe ao parque acuático de Cerceda organizada polo Concello de Lourenzá para os nenos e nenas maiores de 6 anos e os familiares que queiran acompañalos. A concelleira de Educación e Cultura, Lupe Flórez, explicou que das 51 prazas que hai quedan por cubrir 10. Os interesados en ocupar algunha delas poden inscribirse nas oficinas municipais en horario de 8:00 a 15:00.

A ALCALDESA PIDE AOS VECIÑOS QUE COLABOREN CO ROUPEIRO MUNICIPAL, DO QUE SE ENCARGA A EDUCADORA FAMILIAR DO CONCELLO, DOLORES VILLASUSO. AS FAMILIAS NECESITADAS RECIBEN PRENDAS DE MANEIRA GRATUÍTA E CONFIDENCIAL

Lourenzá, 15 de febreiro de 2013. A alcaldesa de Lourenzá, Emma Álvarez Chao, pide aos veciños que colaboren co roupeiro municipal, do que se encarga a educadora familiar do Concello, Dolores Villasuso. As familias necesitadas reciben prendas de maneira gratuíta e confidencial, como explicou a rexedora local.

O roupeiro está nas dependencias do centro de servizos sociais, que se atopan no inmoble coñecido como O Torreón, e tanto para entregar prendas como para recollelas o horario é de 10:00 a 13:00 horas.

O PLENO DA CORPORACIÓN MUNICIPAL TRATARÁ A CREACIÓN DUNHA ORDENANZA PARA REGULAR A VENDA AMBULANTE E A MODIFICACIÓN Á BAIXA DAS TAXAS QUE PAGAN OS POSTOS DOS MERCADOS

O pleno da corporación municipal de Lourenzá tratará a creación dunha ordenanza para regular a venda ambulante e tamén a modificación das taxas que pagan os postos que se instalan nos mercados para facelas máis económicas e así incrementar o número de vendedores. Explicouno a alcaldesa, Emma Álvarez Chao, que convocou a sesión plenaria, de carácter ordinario, para este venres día 16 de agosto ás 12:30 horas.

Distribuir contido