Novas

Novas do Concello

NOVE ASOCIACIÓNS DE AMAS DE CASA DA PROVINCIA CELEBRARÁN UNHA XUNTANZA NO CONCELLO MAÑÁ, SÁBADO

Lourenzá, 28 de xuño de 2013. Lourenzá acollerá mañá, sábado, unha xuntanza de asociacións de amas de casa da provincia, na que participarán socias de 9 colectivos. As participantes serán recibidas na Casa do Concello pola alcaldesa, Emma Álvarez Chao, e pola concelleira de Cultura, Lupe Flórez Seivane. Despois visitarán o museo de arte sacra e o Centro de Interpretación da Faba para rematar as actividades cun xantar.

O campo municipal de Santa Cruz acollerá partidos de categoría cadete do Torneo de Fútbol Base Costa Nova dende hoxe, venres, ata o domingo

Lourenzá, 28 de xuño de 2013. O campo de fútbol municipal de Santa Cruz, en Lourenzá, acollerá partidos de categoría cadete do torneo Costa Nova dende hoxe, venres, ata o domingo.

No campo de fútbol de Lourenzá o primeiro partido do torneo será hoxe ás sete da tarde co enfrontamento entre o Burela FS e o Textil Escudo B. E ás oito xogarán Asti Leku e Textil Escudo B.

A piscina municipal estará aberta dende o vindeiro luns, 1 de xullo, ata o 31 de agosto en horario de 12 a 20 horas. Haberá cursos de natación do 15 de xullo ao 15 de agosto

Lourenzá, 27 de xuño de 2013. O vindeiro luns, día 1 de xullo, comeza a tempada na piscina municipal de Lourenzá, que estará aberta ata o 31 de agosto en horario de 12 a 20 horas. Anunciouno hoxe a alcaldesa, Emma Álvarez Chao, que tamén deu a coñecer que haberá cursos de natación do 15 de xullo ao 15 de agosto.

A comisión municipal de goberno acordou sacar de novo a concurso a explotación da cafetería do Centro Social e aprobou as bases para contratar ás 8 persoas que se dedicarán á prevención e extinción de incendios

Lourenzá, 26 de xuño de 2013. Na reunión da comisión de goberno do Concello de Lourenzá celebrada hoxe acordouse sacar a concurso outra vez a explotación da cafetería do centro de servizos sociais, porque na anterior convocatoria quedara deserta. Tamén foron aprobadas as bases para a contratación de 8 persoas que se dedicarán á prevención e extinción de incendios.

O Concello repara os danos causados na madrugada de onte no alumeado público de Vilanova e nos pivotes da ponte sobre o río Baos. A alcaldesa considera que estes estragos rozan o vandalismo, que non está permitido nin na noite de San Xoán

Lourenzá, 25 de xuño de 2013. O Concello de Lourenzá xa está traballando para reparar os danos causados na madrugada do domingo ao luns no alumeado público de Vilanova, que esperan ter restablecido hoxe, e nos pivotes da ponte sobre o río Baos. A alcaldesa, Emma Álvarez Chao, considera que estes estragos rozan o vandalismo, algo que non está permitido aínda que sexa a noite de San Xoán.

A armada de Atletismo toma Guitiriz na súa Popular

Grandes resultados os acadados polos alumn@s das E.D. Lourenzá-Mondoñedo na VIII Guitiriz Termal 2013 este pasado sábado día 22 de xuño.

Categoría Preb Masculino: Brais Díaz. (Prata).

Categoría Preb. Feminino: Carmen García. (Prata).

Categoría Bx. Masculino: Ayoub Khaled (Prata).

Categoría Av. Feminino: Ainara Rguez (Ouro), Ana Vallines(Prata), Claudia Graña(Bronce).

Residentes no lugar de Canedo queren recuperar ese topónimo desaparecido no ano 1996. O goberno municipal fará xestións para intentar conseguilo se a maioría dos veciños están a favor

Lourenzá, 22 de xuño de 2013. Algúns veciños do lugar de Canedo pediron á alcaldesa de Lourenzá, Emma Álvarez Chao, a recuperación dese topónimo que desapareceu no ano 1996. Por este motivo o goberno municipal fará xestións para intentar conseguilo se a maioría dos veciños están a favor.

Distribuir contido