Novas

Novas do Concello

A alcaldesa segue sen lograr que a reciba o vicepresidente primeiro da Deputación, que tampouco a atende por teléfono dende hai seis meses. Antonio Veiga non asiste aos actos que se celebran no municipio a pesar de ser invitado polo Concello

Lourenzá, 31 de maio de 2013. A alcaldesa de Lourenzá, Emma Álvarez Chao, segue sen lograr que a reciba o vicepresidente primeiro da Deputación Provincial de Lugo, Antonio Veiga, que tampouco atende as chamadas telefónicas da rexedora dende hai seis meses nin asiste aos actos que se celebran no municipio a pesar de ser invitado polo Concello. A alcaldesa lembra que fai mes e medio Veiga respondeulle a través dos medios de comunicación que a recibiría pero segue sen saber cando se celebrará a xuntanza.

A praza do Conde Santo acollerá o 4 de xuño unha sesión de contacontos a cargo de Mau e Pin, que son os autores da colección “Polo correo do vento”

Lourenzá, 29 de maio de 2013. A praza do Conde Santo acollerá o vindeiro martes, día 4 de xuño, unha sesión de contacontos a cargo de Mau e Pin, que son os autores da colección de libros Polo correo do vento. Anunciouno hoxe a concelleira de Cultura en Lourenzá, Lupe Flórez Seivane, quen tamén de a coñecer os premios do concurso escolar de fotografía para conmemorar o Día do Medio Ambiente. Son unha bicicleta, un patinete, unha cámara de fotos dixital e un libro electrónico.

O salón de actos da Casa do Concello de Lourenzá acolleu onte unha charla sobre as sociedades de fomento forestal

O salón de actos da Casa do Concello de Lourenzá acolleu onte unha charla sobre as sociedades de fomento forestal, que organizou o Concello. A alcaldesa, Emma Álvarez, fixo un balance positivo da cantidade de público que houbo no acto e comentou que algúns dos asistentes propuxeron que se fixeran concentracións de montes públicas en vez de promover estas agrupacións de propietarios voluntarias que levan consigo unha concentración privada do terreo.

A Delegada Territorial da Xunta destaca o impulso ao cooperativismo por parte da administración autonómica na inauguración dunha mostra sobre este tema na lonxa hortoflorícola

Lourenzá, 28 de maio de 2013. A delegada territorial da Xunta en Lugo, Raquel Arias, destacou esta mañá o impulso ao cooperativismo por parte da Xunta durante a inauguración da exposición sobre este tema que se pode visitar dende hoxe ata o venres, día 31, na lonxa hortoflorícola de Lourenzá.

Con motivo da Semana do Medio Ambiente este sábado, día 1 de xuño, haberá unha xornada de voluntariado para limpar os ríos Baos e Masma. Os interesados en participar deben apuntarse no Concello

Lourenzá, 27 de maio de 2013. O Concello de Lourenzá organiza unha xornada de voluntariado para a limpeza dos ríos Baos e Masma este sábado, día 1 de xuño, dentro da Semana do Medio Ambiente. Esta actividade conta coas colaboracións da Xunta de Galicia e, a través dela, da obra social Fundación la Caixa, explicou a alcaldesa, Emma Álvarez Chao, quen anunciou que o punto de encontro para os participantes será a Praza do Concello ás dez da mañá.

O vicepresidente da asociación “Hijos de Lourenzá” en Bos Aires foi recibido por representantes municipais laurentinos durante a súa primeira visita a España. O Concello mantén vínculos tamén coa Sociedade de Residentes en La Habana

Lourenzá, 24 de maio de 2013. Membros do goberno municipal de Lourenzá, entre os que estaban a alcaldesa, Emma Álvarez Chao, e o concelleiro e ex rexedor municipal, Vidal Martínez-Sierra López, ofreceron unha recepción na Casa do Concello ao vicepresidente da asociación Hijos de Lourenzá en Bos Aires, Alejandro Lastra Fernández, e á súa esposa, que están de viaxe en España por primeira vez.

Os sistemas eléctrico, informático e de telecomunicacións das dependencias municipais están sendo reformados para reducir custos e mellorar a produtividade dos traballadores do Concello

Lourenzá, 23 de maio de 2013. A alcaldesa de Lourenzá, Emma Álvarez Chao, deu a coñecer hoxe as obras de reforma que se están levando a cabo nos sistemas eléctrico, informático e de telecomunicacións das dependencias municipais para reducir custos e mellorar a produtividade dos traballadores do Concello.

Distribuir contido