Novas

Novas do Concello

O VINDEIRO MÉRCORES, DÍA 17, NOS ACTOS DAS LETRAS GALEGAS EN VILANOVA ACTUARÁN LUAR NA LUBRE, TREIXADURA, SOUTO XÍMARO, O CORO MESTRE PACHECO, A ASOCIACIÓN CULTURAL OSORIO GUTIÉRREZ E A BANDA DE MÚSICA DE LOURENZÁ

Nos actos do Día das Letras Galegas dedicado a Francisco Fernández del Riego o vindeiro mércores, día 17, en Vilanova haberá as actuacións musicais de Luar na Lubre, Treixadura, Souto Xímaro, o Coro Mestre Pacheo, a Asociación Cultural Osorio Gutiérrez e a Banda de Música de Lourenzá.

O LIBRO LUME ACESO, DE MANUEL ROMÁN E XOSÉ LÓPEZ, PRESÉNTASE NO SALÓN DE ACTOS DO CONCELLO ESTE XOVES. HABERÁ MÚSICA A CARGO DE LINO RICO E RECITAL POÉTICO DE ESPERANZA PÉREZ

Este xoves, día 11, ás 20:00 horas no salón de actos da Casa do Concello de Lourenzá presentarase o libro Lume aceso, de Manuel Román Ramos (Manolo de Cartas) e Xosé López González (Pepe de Celeirao).

Ademais dos autores no acto intervirá a alcaldesa, Rocío López García, e haberá unha colaboración musical a cargo de Lino Rico Fernández e un recital poético de Esperanza Pérez Camba.

PRESENTADO O CARTAZ ANUNCIADOR DAS ACTIVIDADES QUE SE VAN CELEBRAR EN LOURENZÁ CO GALLO DO DÍA DAS LETRAS GALEGAS. É OBRA DO ARTISTA HIPÓLITO XEADA.

Lourenzá, 6 de maio de 2023. Hoxe, sábado, tivo lugar a presentación do cartel anunciador das actividades que se van a celebrar en Lourenzá co gallo do Día das Letras Galegas dedicado ao laurentino Francisco Fernández del Riego. É obra do pintor mariñán Hipólito Xeada, que estivo acompañado no acto pola alcaldesa de Lourenzá, Rocío López García, e varios membros da Mesa Coordinadora Don Paco.

ESTA SEMANA SANTA EN LOURENZÁ HABERÁ O FESTIVAL VILOU SPRING, O XV TORNEO DE BASKET FEMININO E A OITAVA CONCENTRACIÓN DE VEHÍCULOS CLÁSICOS.

Lourenzá, 31 de marzo de 2023. Esta Semana Santa en Lourenzá haberá o Vilou Spring Fest, no que actuarán a orquestra Panorama e Grupo Beatriz; a oitava concentración de vehículos clásicos VespaFaba & Clásicos e o XV torneo de baloncesto feminino Lourenzá en Xogo, que se recupera despois de non celebrarse durante a pandemia. Os tres eventos empezarán o día 6 de abril, Xoves Santo, e foron presentados conxuntamente nun acto que contou coa participación da alcaldesa, Rocío López, e representantes das organizacións das tres actividades.

ESTE SÁBADO, 1 DE ABRIL, PRESÉNTASE EN SANTO ADRAO UN LIBRO DE RAMÓN NICOLÁS SOBRE DEL RIEGO E PROXECTARASE O AUDIOVISUAL DON PACO VOLVE A LOURENZÁ

A Casa dos Veciños da parroquia de Santo Adrao acollerá este sábado, 1 de abril, ás 19 horas a presentación do libro de Ramón Nicolás titulado Francisco Fernández del Riego, vida e obra dun obreiro do galeguismo. Ademais proxectarase o audiovisual Don Paco volve a Lourenzá, de Arraianos Producións.

Este acto, incluído na programación para celebrar as Letras Galegas 2023 dedicadas a Fernández del Riego, está organizado pola Mesa Coordinadora Don Paco e o Concello de Lourenzá coa colaboración da Real Academia Galega, a Xunta de Galicia e a Deputación de Lugo.

FORMALIZADO O CONTRATO DE OBRAS PARA "REGENERACIÓN DEL PAVIMENTO DEL ACCESO QUE DISCURRE DESDE LAS INMEDIACIONES DE LA LU-132 HASTA A PONTE DE CUÑAS SOBRE O RÍO BAOS"

Con data 3 de marzo do 2023 formalizouse o contrato de obras entre o Concello de Lourenzá e D. Isidro Otero Bello en representación de Construcciones Isidro Otero S.L. para a que se concedeu unha subvención pola Excma. Deputación Provincial de Lugo ao abeiro do Plan Único 2022 por importe de setenta e cinco mil setecentos dezaseis euros con cincuenta e seis (75.716,56).

Distribuir contido