Novas

Novas do Concello

O CONCELLO DESTINA 7.500 EUROS PARA SUBVENCIONAR AS ACTIVIDADES CULTURAIS PROMOVIDAS POLAS ASOCIACIÓNS

Na última reunión Xunta de Goberno Local do Concello de Lourenzá aprobáronse as Bases da Convocatoria de Subvencións Municipais a asociacións do concello para a realización de actividades culturais durante o ano 2023. O importe a repartir entre as distintas asociacións será de 7.500 euros, aumentando así en 1.500 euros a cantidade concedida en anos anteriores.

O LIBRO 'FRANCISCO FERNÁNDEZ DEL RIEGO, UN LOITADOR POLA IDEA DE GALICIA', DE MALORES VILLANUEVA, SERÁ PRESENTADO NO PAZO DE TOVAR ESTE SÁBADO

O libro titulado Francisco Fernández del Riego, un loitador pola idea de Galicia, escrito por Malores Villanueva Gesteira, será presentado no Pazo de Tovar este sábado, 4 de febreiro, ás 18:00 horas.

Ademais da autora da publicación, no acto participarán a alcaldesa de Lourenzá, Rocío López García, e Xosé Luis Fernández Rivera, membro da Mesa Coordinadora Don Paco.

Esta presentación está organizada polo Concello de Lourenzá, a Mesa Coordinadora Don Paco e Editorial Galaxia.

A REEDICIÓN DO LIBRO LOURENZÁ, DE FERNÁNDEZ DEL RIEGO, SERÁ PRESENTADA NO SALÓN DE ACTOS DO CONCELLO O MARTES 31 DE XANEIRO.

Lourenzá, 28 de xaneiro de 2023. A reedición do libro titulado Lourenzá, escrito por Francisco Fernández del Riego, será presentada no salón de actos do Concello de Lourenzá o vindeiro martes, 31 de xaneiro, ás 20 horas. Esta obra de Fernández del Riego foi reeditada polo Concello de Lourenzá e Editorial Galaxia.

No acto participarán a alcaldesa de Lourenzá, Rocío López García; Manuel Román Ramos, historiador estudoso da obra de Del Riego; e o director xeral de Editorial Galaxia, Francisco Castro.

O CONCELLO FELICITA AO CANTANTE LAURENTINO JONYDASVIE PORQUE FOI PRESELECCIONADO PARA REPRESENTAR Á SAN MARINO EN EUROVISIÓN.

Lourenzá, 24 de xaneiro de 2023. O Concello de Lourenzá, por medio da súa alcaldesa, Rocío López, felicita ao cantante laurentino Jonydasvie (Jonathan Dasilva) porque acaba de ser preseleccionado para participar no festival no que se elixe ao representante da República de San Marino en Eurovisión 2023, que se celebrará en Liverpool en maio.

A CASA DO CONCELLO ACOLLEU HOXE A INAUGURACIÓN DO ANO DEDICADO A FRANCISCO FERNÁNDEZ DEL RIEGO.

Lourenzá, 7 de xaneiro de 2023. A Casa do Concello de Lourenzá acolleu hoxe, sábado, o acto inaugural do ano dedicado a Francisco Fernández del Riego. O evento contou coa presenza do conselleiro de Cultura, dos presidentes da Deputación do Luqo, da Real Academia Galega e do Consello da Cultura Galega, de alcaldesas, alcaldes, concelleiras e concelleiros, así como de representantes de diferentes asociacións, da Fundación Penzol, da Editorial Galaxia, do CEIP Juan Rey, de Lourenzá, e do IES San Rosendo, de Mondoñedo, entre outros asistentes.

PAPÁ NOEL VISITOU HOXE LOURENZÁ, ONDE RECIBIU A NEN@S E ENTREGOU OS PREMIOS DO CONCURSO DE POSTAIS CONVOCADO POLO CONCELLO.

Lourenzá, 23 de decembro de 2022. Na tarde de hoxe, venres, nenos e nenas de Lourenzá foron recibidos por Papá Noel nos baixos da Casa do Concello. Previamente visitou o Centro de Día e despois percorreu as rúas de Vilanova subido a unha Vespa con sidecar.

Durante esta recepción foron entregados os premios do concurso de postais convocados polo Concello. O gañador foi Esteban Edrosa López, de 5° de Primaria. Levaron accésits Icía Fraga Vidarte, Nour-Han Boufeljat e Aroa Díaz Ventoso.

Distribuir contido