Novas

OS NENOS E NENAS DO PUNTO DE ATENCIÓN Á INFANCIA MENIÑOS DESPEDIRON O CURSO ESCOLAR CUNHA FESTA NA ÁREA RECREATIVA DE A CAZOLGA

Enviamos foto dos nenos e nenas do Punto de Atención á Infancia Meniños, de Lourenzá, que despediron o curso escolar cunha festa na área recreativa de A Cazolga. Xunto ás súas familias e as educadoras do centro, pasaron una divertida tarde de xogos e compartiron unha merenda para poñerlle punto final ao presente curso escolar e iniciar as vacacións de verán durante este mes de agosto. O centro educativo reabrirá o martes 3 de setembro, xa que o luns 2 de setembro é festivo local en Lourenzá.

UNHA AVOGADA EXPLICARÁ ÓS PROPIETARIOS DO MONTE PRO INDIVISO DE CANEDO COMO ACCEDER Ó DIÑEIRO QUE REDE ELÉCTRICA PAGARÁ POLO PASO DA LIÑA BOIMENTE-PESOZ. A XUNTANZA SERÁ O DÍA 9 DE AGOSTO ÁS 21:00 HORAS

Lourenzá, 30 de xullo de 2013. Unha avogada experta en temas forestais explicará ós propietarios do monte pro indiviso das Louseiras, en Canedo, como acceder ao diñeiro que a empresa Red Eléctrica pagará polo paso da liña Boimente-Pesoz. A xuntanza será o día 9 de agosto, venres, ás 21:00 horas.

MAÑÁ EMPEZARÁ O ARRANXO DA PONTE DE SENDÍN SOBRE O RÍO BATÁN NO VIAL COÑECIDO COMO CAMIÑO A, QUE ESTARÁ CORTADO Ó TRÁFICO MENTRES SE EXECUTEN ESTAS OBRAS COSTEADAS POLA XUNTA DE GALICIA

Lourenzá, 29 de xullo de 2013. Mañá, martes, empezarán as obras de arranxo da ponte de Sendín, sita no vial coñecido como Camiño A ao seu paso por encima do río Batán, “grazas ó apoio que a Xunta de Galicia brinda ó Concello de Lourenzá”, destacou hoxe a alcaldesa, Emma Álvarez Chao, quen anunciou que a estrada estará cortada ao tráfico mentres se executen os traballos.

A COMISIÓN MUNICIPAL DE GOBERNO ADXUDICOU A CAFETERÍA DO CENTRO SOCIAL E AS OBRAS PARA MELLORAR E AFORRAR ENERXÍA NOS ALUMEADOS PÚBLICOS DO PEDRÓN E VILLAPOL

Lourenzá, 27 de xullo de 2013. A comisión de goberno do Concello de Lourenzá adxudicou a xestión da cafetería do centro de servizos sociais, que está no Torreón do mosteiro de San Salvador, e as obras para mellorar e aforrar enerxía nos alumeados públicos do Pedrón e Villapol.

Respecto ao bar do centro social a alcaldesa, Emma Álvarez Chao explicou que “había unha única proposta, a cal se lle adxudicou, e ten un proxecto bastante atractivo baseado en actividades para nenos, mozos e as persoas maiores, que é unha parte fundamental”.