Novas

A CONCELLERÍA DE CULTURA PROGRAMA UNHA ACTUACIÓN DO CANTAUTOR MANOELE DE FELISA PARA CONMEMORAR O DÍA DO LIBRO ESTE XOVES, DÍA 20

A Delegación de Cultura do Concello de Lourenzá programa unha actuación do cantautor Manoele de Felisa para conmemorar o Día do Libro este xoves, día 20 de abril.

A actividade está destinada a nenos e nenas con idades comprendidas entre os 3 e os 12 anos e terá lugar ás 12 horas no Salón de Actos do Concello. Trátase de achegar á infancia o mundo da poesía musicalizada da man do cantautor galego Manoele de Felisa.

A CONCELLERÍA DE XUVENTUDE ORGANIZA DOUS PROGRAMAS DE ACTIVIDADES PARA ESTA VINDEIRA SEMANA SANTA

A Concellería de Xuventude de Lourenzá organiza dous programas de actividades para esta vindeira Semana Santa. Vanse desenvolver concretamente os días 10, 11, 12 e 17 deste mes.

Unha das iniciativas está destinada a nenos e nenas de entre 2 e 12 anos e inclúe actividades como manualidades ou cociña. E a outra é un curso de cociña para rapaces de máis de 12 anos. Todos os interesados en participar poderán apuntarse na Biblioteca Municipal de Lourenzá ata o vindeiro venres día 7 de abril.

A CONCELLERÍA DE EDUCACIÓN ORGANIZA UN CURSO GRATUÍTO PREPARATORIO PARA AS PROBAS DE AVALIACIÓN EN COMPETENCIAS CLAVE PARA ACCEDER AOS CERTIFICADOS DE PROFESIONALIDADE DE NIVEL 2 E 3

O Concello de Lourenzá, a través da Delegación Municipal de Educación, organiza un curso gratuíto no que se impartirán as clases preparatorias para as probas de avaliación en competencias clave para poder acceder aos certificados de profesionalidade de nivel 2 e 3 de cualificacións.

Os interesados deben apuntarse nas oficinas da Casa do Concello de luns a venres en horario de 9 a 15 horas ou polas tardes na biblioteca de 17 a 18 horas. O prazo para inscribirse remata a finais da próxima semana.