Novas | Concello de Lourenzá

A ASOCIACIÓN CONDE SANTO ORGANIZA O LUNS DE ENTROIDO PARA O VINDEIRO DÍA 16. HABERÁ ACTIVIDADES PARA NENOS, CHOCOLATADA, FESTA DE DISFRACES E PREMIOS PARA GRUPOS, PARELLAS, INDIVIDUAIS E O MÁIS CHISTOSO

A asociación Conde Santo, de Lourenzá, celebrará o vindeiro día 16 o seu terceiro luns de Entroido. O evento terá lugar no recinto do Mercado Gandeiro e contará cunha temática central para os disfraces baseada nas distintas culturas e nacionalidades do mundo. Os nenos gozarán de música e xogos especiais a partir das cinco da tarde e poderán participar nunha chocolatada, organizada polo Concello, ao remate da festa infantil, que será gratuíta.

15 ATLETAS DO MADERAS BARCIA REPRESENTARANOS NO CTO. GALEGO DE PISTA CUBERTA PARA CATEGORÍAS MENORES QUE TERÁ LUGAR O VINDEIRO SÁBADO DÍA 14 DE FEBREIRO NO PAVILLÓN DE RIAZOR

Das máis de 2000 solicitudes recibidas pola federación, só estarán en competición os 16 mellores atletas con mellor marca do ano en carreiras e os 12 mellores en concursos.

Os atletas seleccionados son:

O CONCELLO RECOLLEU DOUS CANS ABANDONADOS NA PARROQUIA DE SANTO TOMÉ

O Concello de Lourenzá recolleu dous cans que foron abandonados na parroquia de Santo Tomé.

A alcaldesa, Emma Álvarez Chao, explicou que “son dous cachorros femias que xa comen. Para un deles xa hai unha persoa que quere adoptalo e para o outro os interesados poden preguntar na Casa do Concello”.

O CONCELLO OFERTA UN CURSO DE INICIACIÓN Á TAPIZARÍA ENTRE OS MESES DE FEBREIRO E MAIO. AS INSCRIPCIÓNS PODEN FACERSE XA NA OFICINA TÉCNICA MUNICIPAL DE EMPREGO

O Concello de Lourenzá, en colaboración co Centro de Artesanía e Deseño, organiza un curso de iniciación á tapizaría para os vindeiros meses. A actividade comezará o 23 de febreiro, luns, e terá unha duración de 60 horas. As clases impartiranse ata o 6 de maio, en horario de 19 a 22 horas, os luns e os mércores. O curso conta cun límite de dez prazas e a matrícula ten un custo de 30 euros por persoa.

OS SERVIZOS SOCIAIS DE LOURENZÁ TRAMITAN DENDE ESTA SEMANA AS PRESTACIÓNS ECONÓMICAS DA XUNTA DE GALICIA PARA O PAGAMENTO ÚNICO A FAMILIAS CON FILLOS MENORES DE 3 ANOS

O Concello de Lourenzá tramita dende esta semana as solicitudes de axudas da Consellería de Traballo e Benestar para poder acceder ás prestacións económicas de pagamento único para pais con fillas e fillos menores de 3 anos. O prazo de solicitude estará aberta ata o 14 de marzo. Os interesados poden recibir máis información ou facer os seus trámites nas oficinas dos Servizos Sociais Municipais de Lourenzá, situados no Torreón dos Frades.