Novas

O mercado comarcal gandeiro de Lourenzá acollerá un circuíto de educación viaria este venres, día 9, de seis a oito da tarde. Esta actividade gratuíta organizada polo Concello está dirixida a nenos, nenas, rapaces e rapazas de 3 a 16 anos de idade.

Os interesados en participar deben apuntarse na biblioteca municipal e o prazo remata mañá, xoves, día 8.

O Concello ribadense acolleu este mediodía a presentación da preestrea e estrea de Juana, unha perfomance multidisciplinar en homenaxe a Juana de Ibarbourou na que a poesía, a música e a danza serán as protagonistas. A preestrea desta creación será o venres, día 9, en Lourenzá, no salón de actos do Concello ás 20:00 horas, e a estrea o sábado, día 10, en Ribadeo, no Cine Teatro ás 21:00 horas. Os Concellos de Ribadeo e Lourenzá apostaron desde o primeiro momento por esta creación, algo que lles agradeceu a súa autora e directora, a laurentina Marina Oural.

A primeira Xuntanza Campesiña celebrada este pasado sábado en Tovar contou coa participación dunhas 200 persoas.

Os maiores e o persoal do Centro de Día de Lourenzá gozaron dunha visita guiada polo interior do Pazo de Tovar, que está en Canedo, na parroquia laurentina de Santo Tomé. Posteriormente foron convidados polo Concello a unha merenda.

Nesta excursión os usuarios do Centro de Día de Lourenzá estiveron acompañados por familiares, que se achegaron ao Pazo de Tovar para compartir esta xornada en conmemoración do Día da Familia.

A esta actividade acudiu tamén a alcaldesa de Lourenzá, Rocío López.

8 atletas do Maderas Barcia Lourenzá representarannos o vindeiro domingo nas pistas de A Malata(Ferrol) no Campionato Autonómico ó Aire Libre

Os elexidos:

Ainhoa López. Estará nos 100 valados e no triple salto. En 100 parte coa 12ª mellor marca e en triple coa 17ª.

Ainara Rguez. Representaranos no 100 lisos na que estará coa 7ª mellor marca da temporada e nos 300 lisos coa 3ª mellor marca do ano.

As clases de pádel na pista municipal de Lourenzá comezan mañá, xoves, día 1 de xuño. Anunciouno hoxe o concelleiro de Deportes, Francisco Dasilva, quen explicou que serán impartidas polo monitor titulado Héctor López e para reservar praza ou facer calquera consulta ao respecto os interesados poden chamar ao teléfono 617.45.00.96.

O equipo composto por Marina Rubal, Adriana Polo, Adriana Glez., María Sánchez, Nerea Álvarez, Diana Lastra, Carmen García, Lara Recalde e Claudia Carril e dirixidas maxistralmente por Tania Irimia lograban o subcampionato provincial de patinaxe o pasado domingo en Xove.

A alcaldesa de Lourenzá, Rocío López, entregos os premios da segunda edición do campionato de parchís organizado polo Concello, no que participaron sete parellas.

O primeiro premio foi para Berta Lagarón e María Antonia López e como subcampioas quedaron Mari Carmen Vila e Natividad Rivas.

Os premios consistiron en trofeos do Concello de Lourenzá e agasallos das firmas colaboradoras, que foron as adegas Valdamor e Gran Bazán.

Excelentes resultados de novo das balas nunha nova proba popular, a Carreira das Praias de Barreiros, proba singular e de gran beleza na que estivemos presentes o pasado domingo.

Benxamin Feminino:

1- Adriana Rebolo / 2- Andrea García / 3- Emma García.

Alevín Feminino:

1- Noa Valiño / 2- Aroa Glez. / 3- Cecilia Gómez.

Alevín Masculino

3- Hugo López.

Infantil Feminino:

1- Carme Alonso / 2- Mariña Salvatierra / 3- Iria Otero 4- Uxía Salvatierra 5- Marta Alonso

Infantil Masculino:

2- Samuel Debasa

Información sobre o acto de entrega de premios (PDF)