Novas

Unha unidade móbil do plan de impulso da rehabilitación sostible de vivendas na provincia de Lugo, denominado Reacciona 2020, estará na Praza do Conde Santo o vindeiro mércores, día 9, dende as 11 da mañá ata as 6 da tarde para informar sobre as vantaxes deste programa. Ademais ese mesmo día ás oito da tarde haberá unha charla sobre este asunto no salón de actos da Casa do Concello aberta ao público en xeral. Anunciouno hoxe a alcaldesa de Lourenzá, Rocío López.

Comezou onte na biblioteca municipal de Lourenzá o primeiro campionato de parchís para adultos organizado polo Concello e no que participan seis parellas. Entre os 12 xogadores inscritos hai once mulleres e un home.

O campionato vaise desenvolver os xoves a partir das seis da tarde na biblioteca municipal e enfrontaranse todas as parellas entre si. Haberá premios, que consistirán en trofeos, para os que consigan os primeiros postos na clasificación final do torneo.

O vindeiro sábado día 5 de marzo terá lugar en Riazor o cto. galego de menores de pista cuberta nas categorías benxamín, alevín e infantil e o domingo 6 o galego cadete tamén en Riazor.

Atletas admitidos:

Na categoría infantil representarannos:

Nicolás Álvarez en 1000; Aleix Díaz en 500 e 50 lisos; Ainara Rguez. en 500 e 50 lisos; Ana Vallines en 2000 e altura, Carme Alonso en 2000 e en peso María Vallines e Mencía Martínez-Sierra.

O centro de día para persoas maiores de Lourenzá acollerá mañá, venres, a partir das 16.30 horas un espectáculo de animación musical e teatral.

A alcaldesa, Rocío López, explicou que esta actividade “está enmarcada dentro do proxecto de animación para persoas maiores Entre avós anda o xogo, do grupo Galimatias” e engadiu que “estas actividades de animación musical e teatral teñen como idea principal buscar un repertorio sinxelo que facilite a participación tanto dos usuarios do centro como de todo o público asistente”.

Lourenzá, 2 de marzo de 2016. O Concello de Lourenzá organiza un curso de aplicador manipulador de produtos fitosanitarios (nivel básico). Anúnciao hoxe a alcaldesa, Rocío López, que fixo público un bando para dar a coñecer esta actividade formativa.

A sala de exposicións do Concello de Lourenzá acolle dende hoxe, mércores, ata o 18 deste mes, unha mostra de imaxes do Camiño Norte de Santiago.

A exposición consta de 18 paneis nos que amosan as principais manifestacións artísticas, históricas e naturais desta ruta xacobea na que Lourenzá ocupa un lugar importante. A información que recollen os paneis ofrece ao visitante unha visión de todo o patrimonio artístico e histórico existente nos distintos lugares polos que discorre o Camiño.

GALEGO XUVENIL

Desprazabanse ó final 3 atletas ó Galego xuvenil o pasado sábado a Riazor coa baixa de última hora de Luís López por lesión.

Nerea Bajatierra lograba adxudicarse a medalla de bronce en Lanzamento de Peso 3 kg cun mellor lanzamento de 10,53; só superada pola campiona Mar Pérez(Celta de Vigo) 11,99 e a segunda clasificada Andrea Glez. (C.A. Santiago) con 10,56.

A nena laurentina Antía Lillo Irimia foi premiada na fase provincial do certame de poesía infantil de Nadal 2015, concretamente na categoría C.

O poema de Antía Lillo titúlase Lume aceso no nadal e a alcaldesa de Lourenzá, Rocío López García, comentou: “dende o Concello queremos felicitar á premiada pola gran calidade do traballo presentado”.

O poema manuscrito pola súa autora será publicado na páxina web do Concello.

O Concello de Lourenzá programa actos para conmemorar o Día da Muller Traballadora o vindeiro 8 de marzo, martes. Un deles é unha homenaxe á veciña de San Adriano Felicitas Valiña Andía. As actividades foron presentadas hoxe pola alcaldesa, Rocío López, e pola concelleira de Benestar Social, Mercedes Dengra.

O salón de actos da Casa do Concello de Lourenzá encheuse de público onte con motivo da charla sobre o infarto de miocardio ofrecida polo cardiólogo Ramón Ríos, que traballa no Hospital Universitario Lucus Augusti (HULA), onde é membro do equipo do doutor Carlos Juanatey. Este evento foi organizado polo Concello de Lourenzá, concretamente dende a Concellería de Servizos Sociais que dirixe Mercedes Dengra, en colaboración coa Federación Veciñal Lucus Augusti.