Novas

Mañá, sábado 31 de agosto, celebrarase a VII Mostra Folclórica de Lourenzá na praza do Conde Santo. Comezará ás sete da tarde, ao remate da saída dos Cocos.

Na mostra, organizada polo Concello de Lourenzá e a Asociación Cultural Osorio Gutiérrez, actuarán a Escola Municipal Osorio Gutiérrez, de Lourenzá, e a Asociación Cultural Río Miño, de Portomarín.

Se as condicións meteorolóxicas o permiten realizarase na praza do Conde Santo, pero en caso de choiva trasladarase ao pavillón polideportivo municipal.

A alcaldesa de Lourenzá, Emma Álvarez Chao, fixo público un bando para informar do corte dalgunhas rúas da vila co motivo da celebración das festas patronais do Conde Santo 2013, dende mañá, venres 30 de agosto, ata o luns 2 de setembro.

Enviamos foto da excursión ao parque acuático de Cerceda organizada polo Concello de Lourenzá, na que participaron 52 veciños do municipio. Esta actividade foi para nenos e rapaces, que nalgúns casos foron acompañados por familiares. Tamén houbo dous monitores do Concello, que foron os encargados de coordinar as actividades que se levaron a cabo e que serviron para que os participantes gozaran dunha xornada lúdica e tamén aprenderan normas básicas, para o que se fixo un campamento.

VENRES, 30 AGOSTO:

18,00 Horas. XVI DÍA DA BICI. Praza Conde Santo

            Organiza a Comisión de Festas do Conde Santo e as Escolas Deportivas Lourenzá.  Colabora na mesma o Concello de Lourenzá, Motos Santalla, La Voz De Galicia, Pastelería Cabaleiros e  Protección Civil

Lourenzá, 24 de agosto de 2013. O Concello de Lourenzá encargouse da restauración dos seis cabezudos que acompañan tradicionalmente ós Cocos nas festas do Conde Santo. Os festexos de Vilanova recupéranse este ano despois de non celebrarse no 2012.

Lourenzá, 23 de agosto de 2013. Comezaron as obras para mellorar a avenida de Soutelo, que é a vía de acceso ao colexio público Juan Rey, ao polideportivo, ao Punto de Atención á Infancia, a Casa da Xuventude e aos núcleos de Soutelo e Alaxe dende a estrada LU-122. Esta actuación conta cun investimento de 60.500 euros que aporta a Xunta de Galicia a través dun convenio asinado pola alcaldesa de Lourenzá, Emma Álvarez Chao, co conselleiro de Medio Ambiente, Territorio e Infraestruturas, Agustín Hernández.

Ángel Prado, Emérito Fdez, J. Antonio Glez, Félix Cabanas e Francisco Álvarez participarán na marcha cicloturista previa ó inicio da VUELTA CICLISTA A ESPAÑA, en solidaridade cos afectados polo fatídico accidente de tren de Angrois. Personalidades como Fernando Escartín, Carlos de Andrés ou Perico Delgado subirán ás bicicletas na marcha Pedaladas pola lembranza. Esta comenzará ás 9.30 horas da mañá e percorrerá 127 kilómetros con saída no Peirao de Vilanova de Arousa e chegada ó Monte Lobeira.

Onte domingo participamos na Carreira Figueras Solidario da Fundación Sandra Ybarra na loita contra o cancro, obtendo os seguintes resultados máis destacados:

Lourenzá, 16 de agosto de 2013. O Concello de Lourenzá logrou reducir considerablemente o período de pago das facturas de gastos correntes presentadas polos provedores. Así se deu a coñecer no pleno da corporación municipal celebrado hoxe, sesión na que foron aprobadas por unanimidade a ordenanza reguladora da venda ambulante e a modificación das taxas para os postos que se instalan nos mercados.

Dende mañá venres estará aberto o prazo de inscripción da IV Val das Fabas 2013, que este ano pega un salto de calidade en canto a premios e organizacón, posto que terá crono dixital durante todo o circuito. Seguirá desenrolándose no prestixioso circuito urbán e enmarcada dentro do Programa da Festa da Faba (declarada de Interés Turístico) e será o vindeiro sábado 5 de outubro.

Destacar:

PREMIOS / VARIOS

- Haberá trofeos para os tres primeiros clasificados de todas as categorías.