Novas | Concello de Lourenzá

O CONCELLO PON UN AUTOBÚS PARA QUE OS VECIÑOS POIDAN PARTICIPAR NA MANIFESTACIÓN EN DEFENSA DO SECTOR LÁCTEO QUE TERÁ LUGAR O 17 DE XULLO EN SANTIAGO

Lourenzá, 14 de xullo de 2015. O Concello de Lourenzá poñerá un autobús a disposición das persoas que desexen manifestarse o próximo venres, 17 de xullo, en Santiago de Compostela en defensa do sector lácteo. Os veciños interesados deben anotarse no Concello ata mañá, mércores, día 15 de xullo, “para saber con anterioridade de cantas prazas debemos dispoñer e, no seu caso, se se cubre o número de asistentes mínimo necesario para facer fronte ao gasto”, explicou a alcaldesa, Rocío López García.

LOURENZÁ ACOLLE DENDE O VINDEIRO LUNS ACTIVIDADES DE VERÁN PARA NEN@S DE 4 A 12 ANOS E NOITES ALTERNATIVAS PARA RAPACES DE 12 A 16 ANOS

O vindeiro luns, día 13, comezan en Lourenzá actividades de verán para nenos e nenas de 4 a 12 anos e tamén o programa denominado Noites Alternativas, para rapaces de 12 a 16 anos. Esta segunda iniciativa faise por primeira vez este ano en Lourenzá.

A ALCALDESA EXPLICA QUE SE SUPRIMIRON AS REDES SOCIAIS MUNICIPAIS PORQUE O CONCELLO TEN QUE SER UNHA INSTITUCIÓN SERIA E RESPECTABLE. NA PÁXINA WEB OFICIAL OS CIDADÁNS PODEN INFORMARSE E FACER CONSULTAS AO GOBERNO LOCAL

Lourenzá, 8 de xullo de 2015. A alcaldesa de Lourenzá, Rocío López García, explica que se suprimiron as redes sociais municipais porque o Concello ten que ser unha institución seria e respectable e na páxina web oficial os cidadáns poden informarse e facer consultas ao goberno local a través dun buzón de suxerencias.

A ALCALDESA CONSIDERA QUE A DECLARACIÓN DO CAMIÑO NORTE DE SANTIAGO COMO PATRIMONIO DA HUMANIDADE CONTRIBUIRÁ A DAR A COÑECER OS ATRACTIVOS DO MUNICIPIO EN TODO O MUNDO

A alcaldesa de Lourenzá, Rocío López García, considera que a declaración do Camiño Norte de Santiago como Patrimonio da Humanidade é moi positiva para o municipio porque contribuirá a dar a coñecer os seus atractivos en todo o mundo.

O CONCELLO ORGANIZA UN CURSO DE TÉCNICAS DE ESTUDO PARA NEN@S DE 10 A 14 ANOS, QUE COMEZARÁ O DÍA 27 DESTE MES

Lourenzá, 2 de xullo de 2015. O Concello de Lourenzá organiza un curso de técnicas de estudo para nenos e nenas de 10 a 14 anos de idade, que comezará o día 27 deste mes de xullo.