Novas | Concello de Lourenzá

A XXXIV FESTA DA FABA DE LOURENZÁ CELEBRARASE DO 2 AO 4 DE OUTUBRO E SERÁ PREGOADA POR JOSÉ CUADRADO

Lourenzá, 24 de setembro de 2026. A XXXIV Festa da Faba de Lourenzá celebrarase do 2 ao 4 de outubro e será pregoada por José Cuadrado, presidente da Indicación Xeográfica Protexida (IXP) Faba de Lourenzá. Será o sábado 3 ás 12:00 horas.

Pero as actividades xa comezarán o venres: ás 20:00 horas haberá unha cata de viño comentada a cargo da adega Triay (D.O. Monterrei) no claustro do mosteiro; e desde ás 21:00 horas, verbena coa actuación de Toxo Guayaba e The Sound Project, no Campo dos bolos.

UNHA ITV MÓBIL DE INSPECCIÓN DE VEHÍCULOS AGRÍCOLAS ESTARÁ EN LOURENZÁ OS DÍAS 5, 6, 7 E 8 DE OUTUBRO

Lourenzá, 22 de setembro de 2026. O Concello de Lourenzá anuncia que unha ITV móbil para inspección de vehículos agrícolas estará no mercado gandeiro de Vilanova os días 5, 6, 7 e 8 de outubro

A cita previa pode solicitarse a través do teléfono 981.928.080 ou da web www.sycitv.com.

O CONCELLO DE LOURENZÁ ORGANIZA UNHA FESTA PARA CELEBRAR O FINAL DO PROGRAMA VERÁN NA PRAZA ESTE VENRES, 18 DE SETEMBRO

O Concello de Lourenzá organiza unha festa para celebrar o remate do programa Verán na Praza. Será este venres, día 18 de setembro, ás 17:00 horas na Praza do Conde Santo.

A alcaldesa de Lourenzá, Rocío López, anuncia que “haberá Festa Holi, con cor música e moita diversión; merenda para tod@s, entrega de diplomas e moitas sorpresas e momentos especiais”.

PRESENTADO O CARTEL DA XXXIV FESTA DA FABA, UNHA CREACIÓN DO LAURENTINO CHIS PIÑA BALBOA

Lourenzá, 9 de setembro de 2029. Xa está presentado o cartel da XXXIV Festa da Faba de Lourenzá,” unha das citas máis destacadas do calendario festivo e gastronómico da localidade, que este ano conta cunha autoría especialmente ligada ao territorio: a do artista laurentino Francisco Piña Balboa, coñecido como Chis”.

O CONCELLO DE LOURENZÁ PUBLICA AS BASES PARA PARTICIPAR NO VIII CERTAME DE TEATRO AFECCIONADO, QUE SE DESENVOLVERÁ EN NOVEMBRO

Lourenzá, 7 de setembro de 2026. O Concello de Lourenzá publica na súa sede electrónica as bases para participar no VIII Certame de Teatro Afeccionado. As representacións dos grupos que sexan elixidos desenvolveranse durante o mes de novembro no edificio multiusos Ponte de Cuñas.