O Concello de Lourenzá anuncia a creación no municipio dunha asociación de mulleres rurais: “compartimos con moita ilusión a presentación da Asociación de Mulleres Rurais de Lourenzá, unha nova iniciativa que nace coa vontade de crear un espazo de encontro, participación e comunidade para as mulleres da nosa vila”.
Reunido o xurado do IV Certame de Teatro Concello de Lourenzá deu a coñecer os nominados aos premios das distintas categorías.
Os elixidos son estes:
A Praza do Conde Santo, en Vilanova de Lourenzá, acollerá este venres, día 23, ás 21:00 horas un concerto de música de cámara incluído no festival itinerante Peregrinos Musicales, que organiza a asociación do mesmo nome con sede en Santiago de Compostela coa colaboración do Concello de Lourenzá.
A actuación correrá a cargo do grupo de música de cámara Esemble Rubens Consort, que interpretará obras de Haydn, Bach, Ravel e Fauré.
A entrada é libre e gratuíta.
Os Reis Magos chegarán a Lourenzá o vindeiro martes, 5 de xaneiro, e recibirán aos nenos e nenas do municipio.
“Seguindo as normas anti-covid, este ano a Cabalgata dos Reis non percorrerá as rúas de Lourenzá e o Concello decidiu que as Maxestades de Oriente recibirán aos nenos e nenas nos baixos do Concello de 5 a 7 da tarde. Tomaranse todas as medidas hixiénicas e de distancia para que a visita sexa o máis segura posible”, explica o concelleiro de Cultura, Manuel Arango Ron.
Nunha reunión celebrada este pasado xoves, na que participaron a alcaldesa, Rocío López, membros do equipo de goberno e representantes dos fabeiros de Lourenzá, acordouse suspender a XXX Festa da Faba, que se ía celebrar na primeira fin de semana de outubro.
Dezasete compañías ou grupos de teatro afeccionado competirán en Lourenzá por acadar o premio Conde Santo na segunda edición do Certame de Teatro Afeccionado Concello de Lourenzá, que se celebrará no vindeiro mes de novembro. Participarán na fase de selección sete compañías da Mariña, dúas do Occidente asturiano, outras dúas da cidade de Lugo e unha de cada unha destas localidades: Chantada, Sarria, Ourense, Pontevedra, A Coruña e Vigo.
O Concello de Lourenzá, por medio da Delegación de Cultura, convoca o primeiro de teatro afeccionado, que se celebrará en novembro deste ano.
Lourenzá, 12 de abril de 2017. A traballadora social do Concello de Lourenzá tramita a solicitude de axudas individuais a persoas con discapacidade para servizos de promoción da autonomía e complementarios de asistencia persoal.
O Concello de Lourenzá organiza un curso de aplicador de produtos fitosanitarios gratuíto, de 35 horas, para obter o carné cualificado. Os participantes deben ter o carné básico e ser agricultores en activo. Esta actividade formativa está subvencionada pola Consellería do Medio Rural.
A alcaldesa, Rocío López, explicou que “anteriormente neste concello xa organizamos máis cursos desta materia, nos que formaron máis de 100 persoas, pero a novidade deste é que é de nivel cualificado”.
Lourenzá, 6 de outubro de 2016. A biblioteca municipal de Lourenzá acollerá o vindeiro luns, día 10, unha acción formativa sobre reciclaxe de residuos dirixida ao público infantil.
Esta actividade, que incluirá varios obradoiros, desenvolverase de seis a sete da tarde.
Galego
Español