COMEZAN ESTA FIN DE SEMANA AS REPRESENTACIÓNS DO VIII CERTAME DE TEATRO CONCELLO DE LOURENZÁ.

Lourenzá, 27 de outubro de 2026. Comezan esta fin de semana as representacións do VIII Certame de Teatro Concello de Lourenzá, para o que foron seleccionadas oito obras doutros tantos grupos. Todas as actuacións serán no Multiusos Ponte de Cuñas.

Este sábado, día 31 de outubro, ás 20:30 horas o grupo Trípode, de Alfoz, representará a obra Desequilibrados. E o domingo, 1 de novembro, ás 20:00 horas Pico do Castro, de Foz, porá en escena Trato a cegas.

Na seguinte fin de semana, o sábado 7 ás 20:00 horas The-Sastre, de Barbadás, representará e-MÉRITO. E o domingo 8, tamén ás 20:00 horas, a obra será Asemblea de mulleres, a cargo do grupo da asociación Melandraina, de Arteixo.

O día 14, sábado, ás 20:00 horas Avelaíña Teatro, de Pontevedra, ofrecerá a obra Pantasmas. E o domingo 15 ás 20:00 horas O Bicho da Barra, de Ortigueira, porá en escena Unha obra para un pobo.

O 22 de novembro, domingo, ás 20:00 horas representarase A farsa de Inés Pereira, a cargo do grupo da Asociación Cultural Muíño do Vento, de Ferrol.

E a última obra que participará no certame ofrecerase o 28 de novembro, sábado, ás 20:00 horas. Será Aquí non paga nin dios??? , de Touporroutou (Foz).

A gala de entrega de premios será o sábado 19 de decembro ás 20:00 horas e contará coa representación da obra A vida é un soño (ou case), da compañía Señor López Producións.