Lourenzá, 29 de xuño de 2015. A alcaldesa de Lourenzá, Rocio López García, destacou hoxe o éxito da segunda edición da xornada Todos cara a Tovar, celebrada onte con numerosas actividades. A rexedora salientou a afluencia masiva de participantes e a importante implicación de asociacións do municipio.
Lourenzá, 26 de xuño de 2015. O Concello de Lourenzá convoca oito postos de traballo para a prevención e defensa contra os incendios forestais. Anunciouno hoxe a alcaldesa, Rocío López García.
A segunda edición da xornada lúdica, de lecer e de convivencia Todos cara a Tovar celebrarase este domingo, día 28, na fortaleza de Lourenzá. Está organizada por asociacións do municipio coa colaboración do Concello e haberá diversas actividades dende as catro e media da tarde.
Dúas nenas veciñas do municipio de Lourenzá resultaron premiadas na fase provincial do concurso de narración Letras Galegas 2015.
Antía Lillo Irimia, da Cazolga, conseguiu o terceiro premio na categoría de 9 a 11 anos co traballo titulado Ratonbotiño en London. E Antía Gutiérrez Gavín, de San Adriano, logrou o terceiro premio na categoría de ata 8 anos coa obra Un soño espléndido.
O novo goberno municipal de Lourenzá reduce en case un 25 por cento o salario da alcaldesa, Rocío López García, e suprime a dedicación parcial do tenente de alcalde, o que supón un aforro para o Concello de máis de 30.000 euros anuais. Foi aprobado nun pleno extraordinario e urxente da corporación municipal celebrado onte, mércores, cos votos favorables dos concelleiros socialistas e a abstención dos edís do Partido Popular.
Galego
Español