Novas

O TORREÓN DE VILANOVA ACOLLERÁ O VINDEIRO MARTES, DÍA 8, UNHA REUNIÓN PARA INFORMAR SOBRE AS CLASES DESTINADAS A MAIORES DE 18 ANOS PARA OBTER O TÍTULO DA ESO NO CURSO 2015-2016

O Torreón de Vilanova de Lourenzá acollerá o vindeiro martes, día 8 de setembro, ás 20:30 horas unha reunión para informar sobre as clases que se impartirán para obter o título da Educación Secundaria Obrigatoria (ESO) no curso 2015-2016. É unha iniciativa, destinada a maiores de 18 anos de idade, que organiza Espacio Garabatos e na que colabora o Concello de Lourenzá.

UNHA UNIDADE MÓBIL DE INSPECCIÓN TÉCNICA DE VEHÍCULOS AGRÍCOLAS ESTARÁ NO MERCADO COMARCAL GANDEIRO DO 22 AO 25 DESTE MES

Unha unidade móbil de inspección técnica de vehículos agrícolas estará no mercado comarcal gandeiro de Lourenzá do 22 ao 25 deste mes de setembro. Anúnciao a alcaldesa, Rocío López García, a través dun bando.

O horario habitual de atención será de 9 a 13:30 horas e de 15:15 a 18 horas. Para solicitar cita previa pode facerse a través do teléfono 902.30.90.00 ou na páxina web www.sycitv.com.

O CONCELLO CONVOCA UN PROCESO DE SELECCIÓN PARA CUBRIR UN POSTO DE INTERINIDADE DE MESTRE PARA O PUNTO DE ATENCIÓN Á INFANCIA MUNICIPAL

O Concello de Lourenzá convoca un proceso de selección para a cobertura dun posto de interinidade, por enfermidade e maternidade, de mestre en educación infantil para o Punto de Atención á Infancia do Concello de Lourenzá a tempo completo.

Para optar a este posto é requisito indispensable estar anotado no Servizo Público de Emprego de Galicia antes deste venres, 4 de setembro, e estar en posesión da Diplomatura en Maxisterio na Especialidade de Educación Infantil.

A CORPORACIÓN MUNICIPAL CELEBRARÁ UN PLENO EXTRAORDINARIO ESTE XOVES NO QUE SE TRATARÁ A TARIFA PARA OS POSTOS QUE SE INSTALEN NO MERCADO DOMINICAL, QUE SE RECUPERARÁ DESPOIS DE CATRO DÉCADAS SEN CELEBRARSE

A corporación municipal de Lourenzá celebrará un pleno extraordinario este xoves, día 27 de agosto, ás 20:30 horas, sesión na que se tratará a aprobación da tarifa que deberán pagar os postos que se instalen no mercado dominical, evento que se recuperará despois de catro décadas sen celebrarase.