Novas | Concello de Lourenzá

NO OBRADOIRO SOBRE DESIGUALDADE DE XÉNERO ORGANIZADO POLO CONCELLO PARA CONMEMORAR O DÍA DA MULLER HOUBO UNHA VINTENA DE PARTICIPANTES

O obradoiro sobre desigualdade de xénero organizado polo Concello de Lourenzá dentro dos actos para conmemorar o Día da Muller contou cunha vintena de participantes.

A charla correu a cargo dunha representante da ong Mundo Cooperante, que centrou a súa intervención en informar e sensibilizar acerca da mutilación xenital feminina, unha lacra que sofren 140 millóns de mulleres e nenas.

ASOCIACIÓN DE SENDEIRISMO TERRAS DE LOURENZÁ

Este pasado domingo a Asociación de Sendeirismo Terras de Lourenzá botouse a andar pola Senda Costeira, no tramo de Tapia de Casariego-Figueras. Un tramo de 15 km no que os máis de 40 camiñantes disfrutamos dunha fermosa paisaxe ao que tamén axudou o dia soleado que tivemos.

O CONCELLO FARÁ UNHA CAMPAÑA DE CAPTACIÓN DE VOLUNTARIOS PARA A AGRUPACIÓN LOCAL DE PROTECCIÓN CIVIL, QUE ESTÁ FORMADA ACTUALMENTE POR 11 PERSOAS

O Concello de Lourenzá fará unha campaña de captación de voluntarios para a agrupación local de Protección Civil, que está formada actualmente por 11 persoas. Esta iniciativa acordouse nunha reunión da alcaldesa, Emma Álvarez Chao, cunha representación da directiva da agrupación, xuntanza na que tamén se analizaron os fallos que houbo durante o operativo do Domingo de Piñata, polos que piden desculpas.

A CONCELLEIRA DE CULTURA AGARDA QUE SE PRESENTEN PROXECTOS DE PARTICIPACIÓN XUVENIL DOS MOZ@S DO CONCELLO DESPOIS DE TERSE CELEBRADO UN TALLER DE IDEAS PARA ESTAS INICIATIVAS

A concelleira de Cultura en Lourenzá, Lupe Flórez Seivane, agarda que se presenten proxectos de participación xuvenil dos moz@os do concello despois do taller de ideas para estas iniciativas que se celebrou o pasado sábado no salón de actos municipal.

O CEIP JUAN REY ACOLLE UNHA EXPOSICIÓN E CHARLAS PARA CELEBRAR O DÍA DA MULLER E MAÑÁ, XOVES, HABERÁ UN OBRADOIRO SOBRE DESIGUALDADE DE XÉNERO NO SALÓN DE ACTOS DA CASA DO CONCELLO

Para celebrar o Día da Muller o CEIP Juan Rey, de Lourenzá, acolle unha exposición, o pasado luns unha houbo unha charla para os alumnos de 3º, 4º, 5º e 6º de Primaria e mañá, xoves, terá lugar outra para os de Infantil, de 3, 4 e 5 anos, e tamén para os de 1º e 2º de Primaria. Ademais tamén mañá, pero neste caso no salón de actos da Casa do Concello ás cinco da tarde, desenvolverase un obradoiro sobre desigualdade de xénero.