LOURENZÁ ACOLLEU UNHA XORNADA DEDICADA AO KARATE

A práctica da disciplina de karate arranca con forza en Lourenzá, onde se celebrou este pasado sábado unha xornada en torno a este deporte.

De 11:00 a 13:30 horas tivo lugar no pavillón municipal de Lourenzá a práctica de kobudo, que é o manexo das armas de Okinawa, e pola tarde houbo unha masterclass de defensa persoal.

Asistiu á xornada o tenente de alcalde Javier Huertas, quen destacou “a importancia de contar con esta nova disciplina no calendario deportivo do municipio. Queremos  animar aos nen@s a coñecer o mundo do karate e iniciarse nesta modalidade deportiva que ensina aos nen@s a importancia do respecto, a disciplina, a humildade e o compañeirismo”.

Os mestres encargados de impartir a xornada foron Luis Beamud García (noveno dan de karate e especialista en defensa persoal) e o seu fillo José Luis (sétimo dan de karate e kobudo e varias veces campión de España).

Esta xornada foi organizada polo  Club Shito Ryu A Mariña, a través de Eladio Esteban (sexto dan de karate e cuarto dan de kobudo), co apoio do Concello de Lourenzá.