O Concello de Lourenzá organiza actividades de ximnasia de mantemento e aerolatino dentro do programa de dinamización nas parroquias. Esta iniciativa da Concellería de Deportes comezará o 5 de outubro e desenvolverase ata decembro.
O Concello de Lourenzá leva ao CEIP Juan Rey as actividades do programa Ler conta moito os días 11, 18 e 24 deste mes.
O concelleiro delegado de Educación e Cultura, Manuel Arango Ron, explica que “este ano, debido á situación do COVID-19, a Biblioteca Municipal de Lourenzá traslada as actividades do programa Ler conta moito, que se desenvolverán durante este mes de setembro, ao colexio da localidade”.
A praza do Conde Santo, en Vilanova de Lourenzá, acollerá este xoves, día 3 de setembro, a proxección da película María Solinha. No acto participará o director do filme, Ignacio Vilar.
Comezaron as obras para a creación dun campo de fútbol de herba artificial para adestramento na zona deportiva de Santa Cruz (Lourenzá).
Vilanova de Lourenzá celebrará este domingo, día 30, unhas festas do Conde Santo diferentes debido ao Covid 19. Están organizadas polo Concello e pola Asociación Patrimonio Laurentino, colectivo de nova creación que se vai presentar nesa xornada de actividades.
O grupo Arcos Iris ofrecerá un concerto este domingo, día 16, na Praza do Conde Santo, en Lourenzá.
Lourenzá, 5 de agosto de 2020. Na tarde de hoxe, mércores, inaugurouse en Lourenzá unha tenda especializada en roupa e material deportivo chamada Deportes Camiño Norte. A alcaldesa, Rocío López, e a concelleira Mercedes Dengra asistiron ao acto e a rexedora municipal destacou a importancia de que se abran negocios no municipio: “é unha aposta polo rural e é moi destacable que haxa emprendedores que se animen a abrir negocios, a pesar da situación que estamos vivido co Covid19”, manifestou Rocío López.
A alcaldesa de Lourenzá, Rocío López, e o concelleiro de Cultura, Manuel Arango, presentaron o cartel anunciador da XXX edición da Festa da Faba, que se celebrará do 1 ao 3 de outubro de 2021.
O cartel é obra de Javier Antonio Marinas Garcia, veciño de Corvera (Asturias) que foi o gañador do concurso convocado polo Concello de Lourenzá para a edición deste ano 2020. Pero debido a que se suspendeu por mor da pandemia do Covid19, o Concello decidiu que este cartel quedase escollido xa para a edición do ano 2021.
O 16 de XUÑO celebramos un día moi especial. O 16 de xuño do ano 2000 tiña lugar en Madrid a presentación do “Libro Branco”. Un fito na historia da atención á infancia no noso país. Nel definíase a Atención Temperá como "o conxunto de actuacións dirixidas á poboación infantil de 0 a 6 anos, á familia e á contorna, que ten por obxecto dar resposta, de forma o máis inmediata posible, ás necesidades que presentan os nenos e nenas con alteracións no desenvolvemento ou con risco de padecelas, e/ou ás súas familias”.
Adxuntamos modificación da ORDENANZA FISCAL NUM.7 REGULADORA DA TAXA POR PRESTACIÓN DE SERVIZO DE RECOLLIDA DE LIXO E RESIDUOS SÓLIDOS URBANOS, segundo a cal se pode solicitar a exención e bonificación do pago por recollida de lixo e residuos sólidos urbanos para autónomos e pymes eximidos da taxa no programa de axudas pola covid 19, por ter a consideración de negocio pechado.
Galego
Español