O ximnasio municipal e o Concello de Lourenzá organizan unha escola de verán con actividades para rapaces de 10 a 16 anos de idade. Comezará o día 30 deste mes e desenvolverase durante xullo e agosto.
Os organizadores da xornada Todos cara a Tovar ultimaron os preparativos das actividades que se celebrarán este domingo, día 29, para promover e difundir o Pazo de Tovar. Decidiron facer algúns cambios nos horarios dos actos respecto aos anunciados inicialmente.
A Consellería de Traballo e Benestar destinará á comarca da Mariña un total de 710.000 euros para desenvolver 4 obradoiros de emprego que poderán beneficiar a 80 persoas sen emprego. Así o destacou hoxe en Foz a titular do departamento autonómico, Beatriz Mato, na entrega de diplomas do programa mixto de formación e emprego ‘Pico do Castro. Ao acto tamén asistiu a delegada territorial da Xunta en Lugo, Raquel Arias.
O vindeiro sábado 28 de Xuño a Asociación de Sendeirismo Terras de Lourenzá, viaxará ata Burela, para facer a ruta da Serra do Buio ao Monte Castelo, una ruta cunha distancia de 8.2 km e de dificultade baixa. A Asociación Pasada das Cabras de Burela invitaranos á comida.
O prezo para o desprazameno será de 5 € os socios e de 8 € os non socios. O prazo para anotarse remata o vindeiro xoves 26 ás 11:00 horas.
Rapaces do municipio de Lourenzá visitaron a carpa Xplora, que estivo situada na praza do Conde Santo, para informarse sobre o plan de emprego xuvenil da Xunta de Galicia e tamén das distintas propostas que dende a Dirección Xeral de Xuventude poñen en marcha para que os mozos leven adiante proxectos sociais dinamizadores e de voluntariado. Así o explicou a alcaldesa laurentina, Emma Álvarez Chao, quen ademais comentou que “tamén se interesaron polas axudas da Xunta destinadas a mozos para mobilización exterior”.
A asociación de veciños da parroquia de Santo Tomé ofrecerá unha exhibición de batuka e zumba dentro dos actos da xornada Todos cara a Tovar, que se celebrará o día 29 deste mes, domingo.
O Concello de Lourenzá organiza actividades de verán en xullo para nenos e nenas de 4 a 9 anos de idade. O prazo de inscrición abriuse hoxe e remata o día 26 deste mes.
O vindeiro luns, día 23, remata o prazo de recollida de tickets para participar na comida da xornada Todos cara a Tovar, que se celebrará o día 29 deste mes, domingo.
A sección de atletismo das Escolas Deportivas Lourenzá-Mondoñedo participou no campionato galego de clubs celebrado o pasado sábado, día 14, nas pistas universitarias de Santiago de Compostela e acadou a terceira posición na categoría alevín masculino.
A alcaldesa de Lourenzá, Emma Álvarez Chao; a concelleira de Cultura e Educación, Lupe Flórez Seivane; e a bibliotecaria, María José López Noceda, entregaron os diplomas e agasallos aos nenos e nenas premiados no certame de debuxo e narración convocado para conmemorar o Día das Letras Galegas pola biblioteca pública municipal Juana de Ibarbourou.
Os seleccionados nesta convocatoria local pasan á fase provincial do certame. Son os seguintes:
GAÑADORES CERTAME Letras Galegas 2014
Temática: “Cociñando contos”
Galego
Español