O Concello de Lourenzá vai realizar obras de renovación do chan da Ponte da Pedra, na entrada do casco urbano de Vilanova. As actuacións previstas comprenden a substitución das táboas de madeira actuais que se atopan en mal estado por tarima antideslizante. O presuposto supón un total de 13.500 euros e está financiado na súa totalidade por un convenio coa Deputación Provincial de Lugo.
Un responsable do Servizo Técnico de Vías e Obras da Deputación de Lugo estivo en Lourenzá onte, mércores, para ver unha serie de necesidades que afectan ás vías provinciais LUP2804 (Lourenzá-Cazolga) e LUP2801 en Sto Tomé. Na visita participaron representantes da asociación de veciños da Cazolga; a alcaldesa, Rocío López; o tenente de alcalde Javier Huertas e a concelleira Mercedes Dengra.
O Concello de Lourenzá organiza o programa de actividades de dinamización infantil Tempo de lecer. Está destinado a nenos e nenas nados entre o 1 de xaneiro de 2014 e o 31 de decembro de 2022. E desenvolverase desde o día 22 de xuño ata o 4 de setembro de 9:00 a 14:00 horas, aínda que tamén haberá servizo madrugadores, de 8:00 a 9:00 horas.
O Concello de Lourenzá explica que este programa inclúe “obradoiros, xogos cooperativos, xincanas, saídas, actividades interxeracionais e moita diversión para desfrutar das vacacións facendo amizades e aprendendo”.
Para celebrar o Día das Letras Galegas o Concello de Lourenzá organiza un espectáculo de maxia para público familiar.
Será este xoves, día 14 de maio, ás 19:00 horas no salón de actos do Concello.
O mago Pedro Bugarín presentará o seu espectáculo titulado Galicia con maxia.
Para esta actividade o Concello de Lourenzá conta coa colaboración da Deputación de Lugo.
Este venres, día 8 de maio, Lourenzá recibirá a visita da Garda Real cunha xornada de actividades abertas á veciñanza.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos.
O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
A práctica da disciplina de karate arranca con forza en Lourenzá, onde se celebrou este pasado sábado unha xornada en torno a este deporte.
De 11:00 a 13:30 horas tivo lugar no pavillón municipal de Lourenzá a práctica de kobudo, que é o manexo das armas de Okinawa, e pola tarde houbo unha masterclass de defensa persoal.
A programación para a celebración de O Maio e a Festa Campesiña en Lourenzá, que será este venres 1 de maio no Campo dos Bolos, inclúe xogos infantís, actuacións musicais, xantar popular e unha representación teatral.
Esta próxima fin de semana, sábado 25 e domingo 26, disputarase o segundo Gran Premio Faba de Ouro de tiro olímpico, evento organizado polo Real Aeroclub de Tiro Olímpico de Lugo e que conta coa colaboración do Concello de Lourenzá.
Esta proba celebrarase na galería de tiro do Real Aeroclub de Lugo e reunirá a algúns dos mellores tiradores de Galicia, Asturias e Castela e León. Haberá máis de 60 participantes, dos que unha decena son veciños de Lourenzá, e “ten unha gran repercusión dentro dos campionatos de tiro en Galicia”, destaca a organización.
Lourenzá, 10 de marzo de 2026. Onte, luns, celebrouse Escola de San Adriano o taller titulado Ao son das mulleres, unha actividade participativa impartida pola musicoterapeuta María Fuente, dentro da programación organizada polo Día Internacional da Muller. Continuará con dúas sesións máis: este venres, día 13 de marzo, no Local Social de San Xurxo de 17:00 a 18:00 horas e o vindeiro luns, 16 de marzo, no Multiusos Ponte de Cuñas (Vilanova) de 19:00 a 20:00 horas.
O Concello de Lourenzá organiza varias actividades con motivo do 8M, Día Internacional da Muller. Serán os días 3, 8, 9, 13 e 16 de marzo, anuncia a alcaldesa, Rocío López.
Este martes, 3 de marzo, haberá o obradoiro titulado A mimosa, flor do feminismo, cos alumnos do taller de memoria de Lourenzá.
Galego
Español