Na carreira onde se reunía a élite provincial, na categoría alevín feminina, impoñíase Ana Vallines (6:50) seguida moi de preto pola súa compañeira Ainara Rguez(6:53), demostrando ambas estar nun momento de forma asombroso. Ademáis, Iria Rguez. subía ó caixón como 2ª clasificada en prebenxamíns e Fernando Vallines alcanzaba o terceiro posto en benxamín masculino.
O Concello de Lourenzá ofrécese a tramitar as alegacións dos veciños á delimitación do Camiño de Santiago ao seu paso polo municipio, que está en período de exposición ao público. Este asunto abordouse na charla celebrada na tarde noite de onte na Casa do Concello, acto que suscitou moito interese e congregou a numeroso público. Así o destacou hoxe a alcaldesa, Emma Álvarez Chao.
O Concello de Lourenzá levou para un local municipal un can que apareceu perdido nas rúas e buscan ao seu dono ou a unha persoa que queira adoptalo. Anunciouno a alcaldesa, Emma Álvarez Chao.
Lourenzá, 22 de outubro de 2013. O salón de actos da Casa do Concello de Lourenzá acollerá mañá, mércores, ás oito e media da tarde unha charla sobre prevención e mellora da seguridade dos maiores.
Lourenzá, 21 de outubro de 2013. A alcaldesa de Lourenzá, Emma Álvarez Chao, anima aos veciños a asistir á charla informativa sobre o trazado do Camiño de Santiago ao seu paso polo municipio, porque desa xuntanza sairán as alegacións á delimitación que presentará o Concello. Será mañá, martes, ás oito da tarde e participará o subdirector xeral de Patrimonio, da Xunta de Galicia.
Con motivo da celebración do décimo aniversario da nova era do equipo de fútbol sénior das ED. Lourenzá, algúns dos xogadores máis veteranos organizan unha cea-baile coa que pretenden xuntar vellas glorias do equipo dos 80 con xogadores desta última década, afeccionados, rapaces das categorías inferiores e calquera persoa que teña ganas de pasar unha boa noite nun ambiente agradable. A cea terá lugar no recinto feiral de Lourenzá o vindeiro sábado 16 de novembro a partires das 21.30 horas, e as entradas pódense mercar en calquera dos bares da vila ata o día 10 de novembro.
Este pasado fin de semana, a Asociación de Sendeirismo Terras de Lourenzá, organizou unha andaina pola Ruta da Auga de Guitiriz, na que participaron medio cento de sendeiristas. Os participantes percorreron 15 km ao son dos ríos Parga e Landroil en algo máis de tres horas aproximadamente. Tratouse dun paseo pola natureza, historia, literatura e etnografía do fermoso concello de Guitiriz. É un sendeiro sen desniveis e de dificultade baixa, polo que os participantes remataron a ruta sen problema ningún.
Lourenzá, 16 de outubro de 2013. A charla informativa sobre o trazado do Camiño de Santiago ao seu paso polo municipio de Lourenzá, organizada polo Concello, será o vindeiro martes, día 22 de outubro ás oito da tarde. Confirmoullo hoxe á alcaldesa, Emma Álvarez Chao, o subdirector xeral de Patrimonio Cultural da Xunta de Galicia, Juan Naveira, que participará no acto. Despois da reunión o Concello preparará as alegacións á delimitación.
Lourenzá, 15 de outubro de 2013. O Concello de Lourenzá e a Diocese Mondoñedo-Ferrol instalaron un sistema para escorrentar as pombas da fachada da igrexa de Santa María de Valdeflores, onde despois limparán os excrementos destas aves seguindo as directrices técnicas de Patrimonio.
Rematou o obradoiro de cestos e esculturas organizado pola asociación de veciños O Refugio, de San Xurxo (Lourenzá). Foi impartido por Lola Tourón, financiouno a Deputación Provincial de Lugo e o Concello de Lourenzá colaborou coa cesión das instalacións onde se levou a cabo.
Galego
Español