Novas

Lourenzá, 17 de marzo de 2015. Lourenzá acollerá diversas actividades para rapaces de 7 a 17 anos este sábado, día 21, e do 28 de marzo ao 1 de abril. Están organizadas pola asociación Chao de Castro-Altair e contan coa colaboración do Concello, segundo deu a coñecer esta mañá a concelleira de Educación e Cultura, Lupe Flórez.

Lourenzá acollerá un obradoiro de cestería para nenos e nenas a partir de 8 anos de idade, que se desenvolverá na vindeira Semana Santa, concretamente os días 30 e 31 deste mes e o 1 de abril. O prazo de inscrición rematará o día 26 de marzo.

Bonita carreira hoxe en Cotobade na primeira transgalaica do 2015, con mais de 400 participantes. O novo recorrido que nos tiñan preparado este ano os Monteferro, era como sempre moi bonito pero moito mais duro que o do ano pasado , con moita lama e cambiando moita pista da parte alta por bonitos sendeiros.

Dos nosos ciclistas o primeiro en chegar a meta foi Javier Legide no posto 48 xeral e 13 Master 40 con un tempo de 3h 12m.

Ainara Rguez. volvía a impoñerse de novo na prestixiosa Corre con Nós que tivo lugar nas Termas en Lugo este pasado domingo. Nova victoria por tanto na categoría infantil sobre unha distancia de 1500 mts. con un tempo de 6 minutos e 17 segundos.Tamén tomou parte na mesma proba Iria Rguez. en categoría benxamín, así como Marisa Ares en categoría absoluta.

O salón de actos da Casa do Concello de Lourenzá acollerá unha charla informativa sobre o funcionamento do Bando de Terras este venres, día 13, ás 20:30 horas. Correrá a cargo do enxeñeiro agrónomo de BANTEGAL Carlos Díaz Redondo.

Unha trintena de mulleres participaron no café calceta organizado polo Concello de Lourenzá para conmemorar o Día da Muller Traballadora.

O acto celebrouse o pasado sábado na sala de usos múltiples do departamento municipal de Servizos Sociais, que está no Torreón dos Frades. A laurentina Maruxa Geada relatou a súa experiencia nun mundo tradicionalmente masculino, o da súa profesión de camioneira.

O Concello de Lourenzá organiza un café calceta este sábado, día 7, a partir das cinco da tarde no Torreón dos Frades para conmemorar o Día da Muller. Nesta actividade participará a veciña do municipio María Geada Díaz, que ten 58 anos de idade e traballa de camioneira.

Un novo trofeo sumou Carmen L. Diniz o pasado domingo día 1 en Ordes, na súa carreira popular. Baixo unha distancia de 9,500 , lograba facerse coa segunda praza con un tempo de 49 minutos 34 segundos.

O  Maderas Barcia ten unha nova subcampiona galega no seu equipo. O pasado sábado día 28 de febreiro acudían as componentes do equipo das Escolas con marca mínima para poder participar no Cto. Galego de Pista Cuberta en Riazor (A Coruña).

A alcaldesa de Lourenzá, Emma Álvarez Chao, anima aos veciños do municipio a utilizar o punto limpo para evitar así a existencia de vertedoiros incontrolados e a aparición de residuos inapropiados nos colectores de lixo.