Novas | Concello de Lourenzá

O CONCELLO ANUNCIA A CONVOCATORIA DE PRAZAS PARA O PROGRAMA DE BENESTAR EN BALNEARIOS 2017

O Concello de Lourenzá anuncia a convocatoria de prazas para o programa de Benestar en balnearios 2017.

Para beneficiarse deste programa haberá que reunir os seguintes requisitos:

-Ser maior de 60 anos, ou de 55 e reunir a condición de pensionista do sistema da Seguridade Social, polos conceptos de xubilación, invalidez, viuvez ou outras pensións.

-Estar empadroado e residir nalgún concello da Comunidade Autónoma de Galicia.

A ALCALDESA AFIRMA QUE O ORZAMENTO MUNICIPAL DESTE ANO, APROBADO EN PLENO ONTE, É REALISTA, EQUILIBRADO E SOSTIBLE

A alcaldesa de Lourenzá, Rocío López García, afirma que o orzamento do Concello para este ano 2017, que foi aprobado nun pleno da corporación municipal celebrado onte, xoves, é realista, equilibrado e sostible. Ascende a 2.125.000 euros.

A COMIDA ORGANIZADA POLA CONCELLERÍA DE SERVIZOS SOCIAIS PARA CONMEMORAR O DÍA DA MULLER CONTOU CON 60 PARTICIPANTES. O EVENTO, NO QUE HOUBO BAILE E ENTREGÁRONSE OBSEQUIOS, CELEBROUSE NO RECINTO FEIRAL

A comida organizada pola Concellería de Servizos Sociais de Lourenzá para conmemorar o Día da Muller contou con 60 participantes. O evento, no que houbo baile e entregáronse obsequios, celebrouse no recinto feiral de Vilanova o pasado domingo.

A CELEBRACIÓN DO DOMINGO DE PIÑATA, CO DESFILE DE ENTROIDO, OCASIONARÁ CAMBIOS NO TRÁFICO ESE DÍA. ANÚNCIAO A ALCALDESA A TRAVÉS DUN BANDO

A celebración do Domingo de Piñata en Lourenzá, co desfile de Entroido, ocasionará cambios no tráfico este día. Así o anuncia a alcaldesa, Rocío López García, a través dun bando.

O CONCELLO FELICITA Á NENA CLAUDIA CARRIL CABALEIRO POR ACADAR O PRIMEIRO PREMIO NA SÚA CATEGORÍA DO CONCURSO PROVINCIAL DE POESÍA DE NADAL

O Concello de Lourenzá, a través da Delegación Municipal de Cultura, felicita a Claudia Carril Cabaleiro, alumna do CEIP Juan Rey, porque ven de acadar o primeiro premio de poesía de Nadal no certame provincial da Biblioteca Nodal de Lugo. Claudia Carril participou na categoría B (de 9 a 11 anos) co poema titulado Promesas de Nadal e recibiu como premio unha figura de Sargadelos, un lote de libros e un diploma acreditativo do galardón.