Dúas nenas veciñas do municipio de Lourenzá resultaron premiadas na fase provincial do concurso de narración Letras Galegas 2015.
Antía Lillo Irimia, da Cazolga, conseguiu o terceiro premio na categoría de 9 a 11 anos co traballo titulado Ratonbotiño en London. E Antía Gutiérrez Gavín, de San Adriano, logrou o terceiro premio na categoría de ata 8 anos coa obra Un soño espléndido.
O novo goberno municipal de Lourenzá reduce en case un 25 por cento o salario da alcaldesa, Rocío López García, e suprime a dedicación parcial do tenente de alcalde, o que supón un aforro para o Concello de máis de 30.000 euros anuais. Foi aprobado nun pleno extraordinario e urxente da corporación municipal celebrado onte, mércores, cos votos favorables dos concelleiros socialistas e a abstención dos edís do Partido Popular.
Seguimos camiñando neste mes de xuño; e nesta ocasión, para compartir o día especial dunha asociación "amiga", a PASADA DAS CABRAS de Burela, que organiza camiñata e celebración para o vindeiro sábado, 27 de xuño.
Mondoñedo acollerá o vindeiro sábado 27 de xuño a clausura das Escolas Deportivas no Pavillón Viñas da Veiga a partir das 22,00 horas con unha garn cea baile á que acudirán preto de 500 persoas que poñerán o fin de festa ó ano deportivo 2014 2015.
Éste supón o cuarto ano de funcionamento en convenio en determinadas categorías deportivas; e os alumn@s das Escolas acudirán invitados á mesma e de forma gratuíta, así como o Mondoñedo Cf, Ed. Lourenzá Atletismo e Ed. Lourenzá Ciclismo.
No seu discurso de toma de posesión, celebrado no mediodía de hoxe, a nova alcaldesa de Lourenzá, a socialista Rocío López García, agradeceu o traballo realizado polo anterior equipo de goberno municipal e anunciou que quere ser a rexedora de todos e de todas, da participación e da transparencia.
Galego
Español