Novas

Lourenzá, 16 de xullo de 2014. O Concello de Lourenzá organiza unha viaxe ao parque acuático de Cerceda para o día 8 de agosto, venres. A actividade está dirixida a nenos e nenas de máis de seis anos e as inscricións poden levarse a cabo ata o día 1 de agosto na Casa do Concello en horario de mañá e na Biblioteca Municipal en horario de tarde.

O Concello de Lourenzá facilitará aos veciños que soliciten licencias de obras municipais un listado de técnicos que poden elaborar a documentación necesaria para tramitar esa petición. Os arquitectos ou enxeñeiros interesados en formar parte desa relación de profesionais teñen que inscribirse na Casa do Concello.

Dende o pasado venres ata o domingo estiveron os equipos das Escolas Lourenzá Mondoñedo (Benxamín, Alevín, Infantil A, Infantil B e Cadete) disputando o prestixioso Torneo Internacional de Luarca de fútbol sala base.
Os alevíns e infantís chegarían a disputar a gran final, mentres que os benxamíns, infantil a e cadete caían na fase de grupos.

Aínda coa resaca dunha fin de semana intensa coa ruta de Burela (Serra do Buio-Monte Castelo) e Todos Cara Tovar (Ruta Pena do Castelo), estamos xa a pensar na vindeira andaina, que xa non queda nada. Trátase da SENDA DO OSO, A RUTA DAS XANAS E A SENDA DO VALDOLAYÉS, en Asturias. Por primeira vez, a Asociación de Sendeirismo Terrás de Lourenzá anímase a organizar unha ruta de fin de semana pernoctando fóra, e a zona elixida foi o noso "país" veciño, Asturias. Como podedes comprobar no programa trátase dunha fin de semana moi entretida.

A Concelleira de Educación e Cultura de Lourenzá, Lupe Flórez  Seivane, foi a encargada de anunciar a posta en marcha dos cursos de natación que se levarán a cabo, entre o 15 de xullo e o 15 de agosto, na piscina municipal. Neles poderán participar “tódolos nenos maiores de seis anos, ou ben que os vaian a cumprir neste ano 2014”, tal e como explicou Flórez.

O Concello de Lourenzá contratará a oito persoas durante tres meses para labores de prevención e extinción de incendios forestais.

Mentres o groso da sección de atletismo participaba o pasado sábado na carreira de Medal, Manuel Folgueira presentabase na media maratón de Palas-Melide (21 kilómetros) realizando unha carreira espectacular acadando a posición 23 da xeral de 700 participantes e sendo o 9º da súa categoría.

Roberto Ramallal estará a vindeira temporada ó fronte do 1º equipo de fútbol das Escolas Deportivas Lourenzá. O que fóra esta temporada técnico do Castro en Preferente comprometeuse esta vindeira temporada coa directiva e secretaría técnica do clube para intentar guiar a nave roxiblanca de novo a 1ª autonómica.
Roberto Ramallal coincide que ten experiencia en segunda autonómica pois fai dous anos dirixiu ó Iberia nesta categoría alcanzando o ascenso ó final da mesma temporada.

Resultados Medal (Coaña-Asturias) 2014 
E.D. LOURENZÁ MONDOÑEDO.     SECCIÓN: ATLETISMO.

REPÓKER DE TÍTULOS: 7 VICTORIAS E 13 PÓDIUMS NA POPULAR DE MEDAL 2014!!!

PREBENXAMÍN FEMININO:
1.- IRIA RGUEZ.
2.- HENAR MÉNDEZ.

PREBENXAMÍN MASCULINO:
3.- MARCOS GRAÑA

BENXAMÍN FEMININO:
2.- DIANA LASTRA
3.- CARMEN GARCÍA