Novas

            FERNANDO VALLINES – 3º EN PESO: 6,61

                                               3º EN LONXITUDE: 2,81

A Casa do Concello de Lourenzá acollerá do 1 ao 5 de decembro, de luns a venres da vindeira semana, un curso de primeiros auxilios para traballadores ou desempregados dos sectores agrícola, gandeiro e forestal.

Este curso de primeiros auxilios e actuacións ante os accidentes laborais está cofinanciado polo Ministerio de Agricultura, Alimentación y Medio Ambiente, a través do Programa de Desarrollo Rural Sostenible.

Lourenzá, 25 de novembro de 2014. O mural para deixar as pegadas malvas en repulsa á violencia de xénero, que o Concello de Lourenzá ía instalar na praza do Conde Santo, foi trasladado ás dependencias do colexio Juan Rey debido á chuvia. Un fragmento dese mural será instalado ás dependencias dos Servizos Sociais municipais, que están no Torreón dos Frades.

Lourenzá, 25 de novembro de 2014. O Concello de Lourenzá presentou hoxe as bases para participar nos dous concursos infantís de Nadal que mantén abertos. Os nenos e rapaces do municipio poderán participar tanto no Concurso de Postais de Nadal, que se celebra por primeira vez no municipio, coma no xa tradicional Certame de Poesía. Nos dous casos, os traballos deberán ser entregados na Biblioteca Pública e sometidos ó veredicto dun xurado formado por técnicos da área de Cultura do Concello.

Os atletas de Maderas Barcia Lourenzá Mondoñedo están dando guerra unha temporada máis, e está claro que a Ainara non hai popular que se lle resista. O pasado sábado en Lugo Ainara Rguez, na categoría de 8 a 12 anos vencía de novo con autoridade e obtiña o 1º posto da carreira. Ademáis, Nicolás Rguez. lograba entrar en 3ª posición e acadaba a medalla de bronce. Na categoría de 4 a 7 anos, Iria Rguez. daba a sorpresa e vencía na espectacular Carreira Eon mentras a súa compañeira Henar Méndez obtiña o subcampionato. 

A alcaldesa de Lourenzá, Emma Álvarez Chao, afirmou hoxe que as obras de reconstrución de dúas escolleras e dun muro de contención levadas a cabo na zona da área recreativa do Muíño do Pereiro tras o temporal do pasado 15 de outubro evitaron que as chuvias de onte ocasionasen de novo desbordamentos. Non obstante, a rexedora laurentina solicita a Augas de Galicia a limpeza inmediata do río Baos e anunciou o próximo inicio das obras para a creación da ruta de sendeirismo Val de Lourenzá, que transcorre tamén pola área do Muíño do Pereiro.

O Concello de Lourenzá reduciu o período medio de pago a provedores ata os 23,67 días e baixa nun 0,5 por cento a taxa do servizo de subministro de auga. Estes asuntos abordáronse no pleno da corporación municipal celebrado hoxe.

O novo club leva o nome de ATLETISMO LOURENZÁ e conta cunha directiva propia integrada por cinco membros: karina Álvarez (presidenta), Rubén Méndez (secretario), Marisa Ares (tesoureira), Marta Sánchez e Jose Gavin como vogais.

O Concello de Lourenzá ven de firmar un convenio de colaboración co Concello de Trabada para xestionar de maneira compartida o servizo de mantemento de espazos naturais. Grazas a este convenio, e a través dunha subvención do Fondo de Compensación Ambiental da Xunta de Galicia, os dous Concellos adquiriron dúas novas máquinas para levar a cabo a limpeza das súas estradas e camiños municipais: unha trituradora e unha desbrozadora.

O Concello súmase aos actos de conmemoración do día internacional contra a violencia de xénero e presenta un programa de actos para o martes, 25 de novembro, no que destacan a lectura dun manifesto contra a violencia de xénero e a colocación dun mural branco na praza do Conde Santo, para que os visitantes e veciños deixen impregnadas en color malva as súas mans como sinal de repulsa contra este tipo de violencia.