Novas

A Concellería de Educación de Lourenzá mantén o prazo aberto para que tódolos mozos e mozas de entre 16 e 30 anos poidan inscribirse no curso Consumo xeito, que se levará a cabo o venres 7 de novembro no salón de actos da Casa do Concello. A actividade forma parte do Plan Activa de formación para a mocidade, posto en marcha pola Xunta de Galicia, e ten carácter gratuíto. Os interesados poden formalizar xa a súa inscrición en horario de 17:00 a 20:00 horas na biblioteca municipal.

As dependencias da Casa da Xuventude de Lourenzá acollen dende onte un curso de informática organizado polo Concello e a asociación agraria Asaja. Nesta actividade formativa para traballadores agrícolas en activo e os seus fillos e cónxuxes, participan 18 veciños do municipio laurentino.

O curso, que rematará o día 30 deste mes, desenvólvese en horario de nove a doce da noite.

O Consello da Xunta deu hoxe o visto e prace aos decretos polos cales se establece a conformación oficial dos escudos e as bandeiras dos concellos de Begonte e Lourenzá, ambos na provincia de Lugo.

Máis de vinte traballadores agrarios e desempregados dos concellos de Lourenzá, Mondoñedo, Viveiro, Barreiros e Ribadeo participan no curso de aplicador manipulador de produtos fitosanitarios que empezou onte no salón de actos da Casa do Concello de Lourenzá. Foi inaugurado pola alcaldesa laurentina, Emma Álvarez Chao, e por un responsable de formación da asociación agraria Asaja, Manuel López.

O Concello de Lourenzá pon en marcha un ano máis o seu taller de memoria. A actividade dará comezo o martes 21 de outubro e os interesados xa poden achegarse aos Servizos Sociais Municipais, situados no Torreón dos Frades, para recibir información. Paralelamente, o goberno municipal organiza para o vindeiro día 15 deste mes ás 17:00 horas unha charla explicativa sobre todo o referente a este taller de memoria.

A alcaldesa de Lourenzá, Emma Álvarez Chao, destacou hoxe o éxito de público na XXIV edición da Festa da Faba, que rematou onte á noite, a pesar do mal tempo que houbo o sábado pola tarde. A rexedora explicou que se venderon 6.504 quilos de fabas nos mercados e nas degustacións repartíronse un total de 975 racións.

Resultados en PDF

O restaurante La Unión, coa súa creación gastronómica denominada Unión e fusión, foi o gañador do concurso de tapas da Festa da Faba de Lourenzá. O segundo clasificado foi a cafetería Galaxia, con Salpicón de fabas, e o terceiro posto é para o café bar Cantón, coa tapa chamada O vicio da faba.

No certame participaron dez establecementos hostaleiros, que presentaron un total de 22 tapas diferentes, preparacións que ofrecen de balde coas consumicións ata o domingo ás catro da tarde.

Comezou esta en Lourenzá a XXIV Festa da Faba cun programa cheo de actividades, que se prolongarán ata vindeiro domingo, 5 de outubro. O evento iniciouse co pregón que pronunciou Carlos Andrés González Paz, investigador do Instituto de Estudios Gallegos Padre Sarmiento.

Mañá, venres 3 de outubro, arranca a XXIV Festa da Faba de Lourenzá, un evento gastronómico declarado Festa de Interese Turístico de Galicia. Faino cun programa repleto de actos que se iniciará coa lectura do pregón por parte do historiador Andrés González Paz. Será o venres, ás 20:00 horas no salón de actos do Concello. Ese mesmo día xa se poderán degustar as máis de 20 tapas gratuítas elaboradas polos establecementos hostaleiros laurentinos para esta edición.