O departamento de Servizos Sociais do Concello de Lourenzá tramita as solicitudes para os interesados en participar no programa Benestar en Balnearios 2015, da Xunta de Galicia.
A alcaldesa de Lourenzá, Émma Álvarez Chao, mantivo unha reunión co responsable da Demarcación de Carreteras del Estado en Galicia, Ángel González del Río, na que abordaron a construción dunha conexión entre a estrada provincial LU-P-2802 e a Nacional 634 en Arroxo. Tamén falaron da necesidade de adoptar unha solución para evitar os desbordamentos do rego de Recimil a raíz da construción da autovía A-8.
O pleno da corporación municipal de Lourenzá aprobou a modificación da ordenanza reguladora da venda ambulante para poder recuperar o Mercado das Prazas. A alcaldesa, Emma Álvarez Chao, prevé que o primeiro desta nova etapa poida celebrarse en xuño.
A Festa do Maio organizada polo Concello de Lourenzá para este venres, día 1, contará nesta ocasión cun espectáculo infantil de maxia, xogos e teatro, que terá lugar na praza do Conde Santo despois do tradicional desfile.
A Asociación de Sendeirismo "Terras de Lourenzá" realizará no vindeiro mes de maio unha nova camiñata. Nesta ocasión, e baixo o lema "Ruta dos barrios", realizarán un percorrido de 12 kms. e dificultade baixa, por distintos recunchos da "vila" (como popularmente se coñece á capitalidade do Concello de Lourenzá), para desfrutar dos encantos que se aprecian coa ollada de camiñante e que soen pasan desapercibidos na vida diaria.
Galego
Español