Os Concellos de Lourenzá, Barreiros e Trabada remitiron unha carta conxunta á Conselleira do Medio Rural, da Xunta de Galicia, para esixir a activación inmediata das axudas prometidas ao sector da faba, comprometidas publicamente o pasado 14 de marzo durante unha reunión en Ribadeo.
Segundo informa a entidade LLEGA700, tralo inicio do servizo de telefonía móbil de nova xeración (4G e 5G) na zona, podían producirse afectacións na recepción da televisión dixital terrestre (TDT).
Esta pasada fin de semana celebrouse o primeiro Gran Premio Faba de Ouro de tiro olímpico, evento organizado por un grupo de laurentinos que se iniciaron recentemente nesta práctica deportiva e que contaron coa colaboración do Concello de Lourenzá.
Lourenzá, 9 de maio de 2025. Co gallo da celebración das Letras Galegas, a Biblioteca Municipal Juana de Ibarbourou, de Lourenzá, organiza, dentro do programa Ler Conta Moito, da Xunta de Galicia, o espectáculo titulado Dende Rosalía ata as Cantareiras (Letras Galegas 2025), a cargo da compañía de teatro A Xanela do Maxín. Será o día 14 de maio, mércores, ás 19 horas no salón de actos do Concello de Lourenzá.
Organizado polo Concello de Lourenzá e distintas asociacións do concello, coa colaboración da Deputación Provincial, o próximo xoves, día 1 de maio, celebrarase o tradicional desfile do Maio e unha nova edición da Festa Campesiña.
Lourenzá, 11 de abril de 2025. Lourenzá acollerá esta vindeira Semana Santa diversas actividades: visitas guiadas ao mosteiro de San Salvador, a décimo sexta edición do torneo de baloncesto feminino Lourenzá en Xogo, e o festival musical Vilou Spring Fest coa actuación da orquestra Panorama.
Javier Huertas será o alcalde en funcións do Concello de Lourenzá as vindeiras semanas tras a baixa por maternidade da rexedora, Rocío López.
Por outra banda, Ana Ermida, ocupará a presidencia da Mancomunidade de Concellos da Mariña ata a volta de López. Ermida, alcaldesa de Barreiros, é a vicepresidenta da entidade comarcal.
Lourenzá celebrará o seu desfile de Entroido o Domingo de Piñata, día 9 de marzo, con máis de 5.000 euros en premios. Estará amenizado coa música do dúo Epo-K.
O Concello de Lourenzá, por medio da súa alcaldesa, Rocío López, felicita ao cantante laurentino Jonydasvie (Jonathan Dasilva) porque acaba de ser preseleccionado para participar no festival no que se elixe ao representante da República de San Marino en Eurovisión 2025, que se celebrará en maio en Basilea (Suiza). Está na fase previa á semifinal e participará desde A Coruña este xoves.
A Praza do Conde Santo, de Vilanova de Lourenzá, acolle unha nova edición da Vila de Nadal elaborada artesanalmente, que conta con máis escenas e figuras que o ano pasado.
A alcaldesa, Rocío López, conta que “neste 2024 incorporamos varias escenas novas como a botica, a xastrería, a taberna e o panadeiro, que se unen ao resto de oficios ou costumes da nosa vida como a matanza do porco do ano pasado ou a escola rural, por poñer so uns exemplos”.
Galego
Español