A concelleira de Cultura en Lourenzá, Lupe Flórez Seivane, agarda que se presenten proxectos de participación xuvenil dos moz@os do concello despois do taller de ideas para estas iniciativas que se celebrou o pasado sábado no salón de actos municipal.
Para celebrar o Día da Muller o CEIP Juan Rey, de Lourenzá, acolle unha exposición, o pasado luns unha houbo unha charla para os alumnos de 3º, 4º, 5º e 6º de Primaria e mañá, xoves, terá lugar outra para os de Infantil, de 3, 4 e 5 anos, e tamén para os de 1º e 2º de Primaria. Ademais tamén mañá, pero neste caso no salón de actos da Casa do Concello ás cinco da tarde, desenvolverase un obradoiro sobre desigualdade de xénero.
O departamento de Servizos Sociais do Concello de Lourenzá tramita ata o 26 de abril as solicitudes das axudas establecidas pola Xunta de Galicia para familias con fillos menores de tres anos.
A alcaldesa, Emma Álvarez Chao, anunciou hoxe que “ata o vindeiro 26 de abril o Concello de Lourenzá a través dos Servizos Sociais, que están situados no Torreón dos Frades, tramitará as axudas para a prestación económica de pago único por fillo a cargo menor de 3 anos. Estas axudas foron publicadas na orde do pasado 11 de marzo”.
O Concello de Lourenzá repartirá 20 composteiros entre os veciños interesados en participar nunha nova campaña de compostaxe doméstica promovida pola Mancomunidade de Concellos da Mariña Lucense a través dun convenio con Sogama. Anunciouno a alcaldesa, Emma Álvarez Chao, a través dun bando que fixo público hoxe.
O Concello de Lourenzá celebrará o Día da Muller con charlas, unha exposición, un obradoiro sobre desigualdade de xénero e unha recepción a rapazas deportistas que lograron triunfos.
A alcaldesa, Emma Álvarez Chao, explicou hoxe que “o pasado sábado, 8 de marzo, celebrábase o Día Internacional da Muller, pero no Concello de Lourenzá estábamos inmersos na preparación do Domingo de Piñata polo que preferimos trasladar os actos dese día para a vindeira semana”.
O salón de actos do Concello de Lourenzá acollerá mañá, sábado, un taller de ideas para que os mozos aprendan a elaborar proxectos para presentar ante as administracións. Esta mañá xa había 15 inscritos e o prazo para apuntarse está aberto ata as oito desta tarde na biblioteca municipal.
A alcaldesa de Lourenzá, Emma Álvarez, Chao, considera unha falta de respecto ao Concello que non fora invitada á visita que fixo hoxe ao CEIP Juan Rey o deputado provincial socialista Alfredo Llano para ver unha obra cuxo proxecto e dirección correu a cargo do Concello.
O Concello de Lourenzá tramita as solicitudes de prácticas formativas para mozos e mozas en empresas do estranxeiro, que convoca a Xunta de Galicia.
A Concellería de Cultura organiza unha representación teatral a cargo da compañía A Tropa do Vicedo, da que forma parte o laurentino Ismael Terrón. Representarán a obra titulada Malentendidos este domingo, día 16, ás oito da tarde no salón de actos municipal. O prezo da entrada é de un euro.
Galego
Español