Lourenzá, 28 de febreiro de 2014. O ximnasio municipal de Lourenzá foi adxudicado á empresa local Ana Sport, que ten un mes de prazo para reabrir as instalacións. A alcaldesa, Emma Álvarez Chao, destaca o amplio horario e as actividades que ofrecerá.
A sección de atletismo terá unha representación moi numerosa no galego de pista cuberta para categorías benxamín, alevín e infantil a celebrar en Riazor o vindeiro sábado 1 de marzo, xa que ata un total de 23 atletas conseguiron marca persoal para estar no campionato.
A competición comenzará sobre as 10:30 horas e rematará sobre as 19:00 horas.
Os atletas elexidos por ránking son:
ADMITIDOS GALEGO PISTA CUBERTA.- RIAZOR. 1/03/2014
MANUEL RGUEZ – 50 / 500 BENXAMÍN
ALEIX DÍAZ – 500 ALEVÍN
IAN MÉNDEZ – 1000 BENXAMÍN
BRAIS DÍAZ – 1000 BENXAMÍN
A sección de Atletismo non perde a forma. O pasado sábado día22 de marzo durante todo o día estiveron competindo no módulo cuberto das pistas Gregorio Pérez de Lugo, onde estiveron os clubs máis representativos da provincia así como atletas que se achegaron do resto de provincias galegas.
Lourenzá, 21 de febrero de 2014. As instalacións deportivas do Concello de Lourenzá contan con novo equipamento, material que se utilizará fundamentalmente para a practica do atletismo. Foi supervisado hoxe polo responsable provincial da Secretaría Xeral para o Deporte da Xunta de Galicia, Manuel Otero Cadramón, que estivo acompañado pola alcaldesa, Emma Álvarez Chao.
O atletismo ten cada vez máis practicantes en Lourenzá e as escolas deportivas municipais están logrando numerosos éxitos nas probas en que participan nos últimos tempos.
Nova a través de E.d. Lourenzá Ciclismo: "Gran día de btt do que disfrutamos en foz na ruta pico da lebre , nun recorrido bonito e moi traballado pola xente do Club Ciclista Foz , que fixo as delicias dos 13 participantes do E.D.lourenza.ciclismo . Destacar a gran actuación de Paco quedando no 10 posto da xeral a pesar de facer unhos kilómetros de mais o perderse nun cruce nas primeiros zonas do recorrido , destacar tamén a Basanta posto 29 , e a Juan Jose Longarela Garcia posto 35."
Enviamos os resultados dos atletas da sección que se desplazaron o pasado domingo día 16 de febreiro a Lugo para participar nunha nova corre con nós, con especial protagonismo para Ana e Ainara que unha vez máis volveron a estar no máis alto do pódium.
Lourenzá, 18 de febreiro de 2014. A viaxe á neve e iniciación ao esquí organizada polo Concello de Lourenzá para o día 5 de marzo, Mércores de Cinza, na estación asturiana de Fuentes de Invierno xa conta cunha vintena de persoas inscritas. O prazo para apuntarse remata o día 27 deste mes.
Lourenzá, 17 de febreiro de 2014. A representación teatral a cargo de Trípode abarrotou onte, domingo, o salón de actos do Concello de Lourenzá, que este vindeiro domingo, día 23, ás sete da tarde acollerá a última obra do ciclo Febreiro teatreiro. A compañía O Batán, de Cangas de Foz, ofrecerá a obra Cambadelas. O prezo da entrada é de un euro.
Lourenzá, 14 de febreiro de 2014. O desfile do Domingo de Piñata, que é o acto principal do Entroido de Lourenzá, cambiará o sentido do percorrido aínda que irá polas mesmas rúas que en anos anteriores. Repartiranse 4.675 euros entre todos os premios que se entregarán. Celebrarase o domingo 9 de marzo e da organización encárgase a asociación de comerciantes, industriais, servizos e autónomos de Lourenzá (ACIAL) e o Concello, que presentaron os actos hoxe.
Máis de 40 persoas participaron na charla celebrada hoxe, xoves, no salón de actos do Concello de Lourenzá dentro da campaña de prevención de atropelos a peóns. Correu a cargo de efectivos da Garda Civil, que explicaron as pautas para pasear coas axeitadas medidas de visibilidade e seguridade, co fin de evitar atropelos nos distintos tipos de estradas.
Galego
Español