Non hai carreira que se lles resista. O pasado sábado as atletas do Maderas Barcia viaxaban á prestixiosa popular de Padrón onde impoñían a súa lei na categoría benxamín Iria e na infantil Ainara; nunha carreira onde participaron máis de 1500 atletas.
En Infantil Feminino Ainara Rguez. gañaba por diante dunha das sensacións da temporada pasada Deki Mato do Millaraio de Santiago e de Noelia Castro tamén do Millaraio.
Lourenzá, 17 de febreiro de 2016. O salón de actos da Casa do Concello de Lourenzá acollerá unha charla sobre o infarto de miocardio a cargo do cardiólogo Ramón Ríos Vázquez, que exerce no Hospital Universitario Lucus Augusti (HULA), de Lugo. Será o día 25 deste mes, xoves, ás oito e media da tarde.
O Concello de Lourenzá organiza unha charla informativa sobre as axudas para os investimentos nas explotacións agrícolas convocadas para este ano 2016. Será impartida por José Manuel Fernández Fente, xefe de área dos servizos agrarios da Mariña, e terá lugar no salón de actos da Casa do Concello o vindeiro luns, 22 de febreiro, ás 16 horas.
De noraboa están os 4 xuvenís do Maderas Barcia Lourenzá que participaron o pasado sábado en Ribadavia no I Campionato Galego Xuvenil de Relevos en Ribadavia(Ourense). Os 4 compoñentes farían cada un percorrido de 2 kilómetros para completar un total de 8. Relevo 1: PABLO IRIMIA REGA ‐ Relevo 2: CARMEN LÓPEZ DINIZ ‐ Relevo 3: LUÍS LÓPEZ PÉREZ ‐ Relevo 4: XANA RGUEZ. GARCÍA; invirtindo un total de 33 minutos e 15 segundos, a 3 do gañador Val Miñor con 30:16. NORABOA!!!
O vindeiro luns, 15 de febreiro, ás 20:00 horas terá lugar no salón de actos do Concello de Lourenzá unha charla informativa do programa de subvencións para a rehabilitación de vivendas nos Camiños de Santiago.
Lourenzá, 10 de febreiro de 2016. A alcaldesa de Lourenzá, Rocío López, fixo público un aviso no que anuncia o procedemento establecido para solucionar as afectacións que poden causar na recepción da Televisión Dixital Terrestre (TDT) os novos servizos móbiles LTE.
Este pasado domingo participaban as balas das Escolas no Cros de Menores do Fluvial de Lugo e ó mesmo tempo cto. provincial de campo a través xuvenil; cos seguintes resultados:
Benxamín Feminino:
1.- Iria Rguez.
2.- Henar Méndez.
Benxamín Masculino:
4.- Aarón Millares
6.- Xabi Sordo
Alevín Feminino:
3.- Diana Lastra
4.- Carmen García
10.- Cecilia Gómez
Alevín Masculino:
4.- Ian Méndez
Infantil Feminino:
1.- Ainara Rguez.
4.- Carme Alonso
6.- Hiba Bouyzar
7.- Marta Alonso
Lourenzá, 8 de febreiro de 2016. O punto de atención á infancia (PAI) Meniños, de Lourenzá, celebrou o Entroido cun desfile e unha merenda.
Os nenos e nenas disfrazáronse de poliños e fixeron un percorrido dende o seu centro ata as instalacións do CEIP Juan Rey e despois participaron nunha merenda no PAI.
A estes actos asistiu o concelleiro de Cultura, Manuel Arango.
A alcaldesa, Rocío López, ven de asinar un bando cos cambios que se producirán no tráfico en Lourenzá o vindeiro 14 de febreiro con motivo da celebración do desfile do Entroido.
Galego
Español