Novas | Concello de Lourenzá

A HISTORIA DE LOURENZÁ PROTAGONIZARÁ UNHA NOVA ACTIVIDADE DO PROGRAMA VERÁN NA PRAZA, COA PRESENTACIÓN DUN LIBRO DE MANUEL CANOSA TRILLO ESTE SÁBADO, 15 DE AGOSTO

O programa Verán na Praza continúa coa súa programación cultural cunha nova proposta vinculada á historia e ao patrimonio local. Nesta ocasión, a Asociación Patrimonio Laurentino organiza a presentación do libro titulado Lope Sánchez de Moscoso, un vizconde no tempo de Enrique IV de Castela. Estudo histórico, análise e colección de documentos, do investigador e autor Manuel Canosa Trillo.

A ACTIVIDADE DE PETANCA CELEBRADA NA PRAZA DO CONDE SANTO CONTOU CON MOITA PARTICIPACIÓN

A Praza do Conde Santo, en Vilanova de Lourenzá, volveu encherse de vida este mércores coa celebración da actividade Xogando á petanca, organizada pola Asociación Valdeflores dentro da programación Verán na Praza, impulsada polo Concello de Lourenzá.

O VERÁN NA PRAZA CONTINÚA O VINDEIRO MÉRCORES, 5 DE AGOSTO, CUN TORNEO DE PETANCA.

Lourenzá, 31 de xullo de 2026. O programa Verán na Praza segue enchendo as rúas de Lourenzá vida e actividade e o vindeiro mércores, día 5 de agosto, ás 19:00 horas a Praza do Conde Santo acollerá un torneo de petanca, unha proposta “pensada para gozar en familia e aberta a persoas de todas as idades”, anuncia o Concello.

A PRAZA DO CONDE SANTO ACOLLEU UNHA EXITOSA XORNADA DE SEGURIDADE VIARIA DENTRO DO PROGRAMA VERÁN NA PRAZA

A praza do Conde Santo acolleu onte, mércores, unha nova actividade enmarcada no programa Verán na Praza, unha iniciativa impulsada por primeira vez polo Concello de Lourenzá en colaboración co tecido asociativo do municipio. Nesta ocasión a actividade estivo dedicada á seguridade viaria e reuniu a numerosos nenos e nenas, acompañados das súas familias, nunha xornada que “resultou todo un éxito de participación.

A PRAZA DO CONDE SANTO ACOLLERÁ UNHA ACTIVIDADE PARA APRENDER SEGURIDADE VIARIA O MÉRCORES 29 DE XULLO.

Lourenzá, 25 de xullo de 2026. O próximo mércores, día 29 de xullo, ás 19:30 horas a Praza do Conde Santo acollerá unha nova actividade do programa Verán na Praza: Xogando a aprender: Seguridade Viaria, unha proposta gratuíta e dirixida a todas as idades.